සම්මත දුම්රිය මාර්ග, අධිවේගී මාර්ග සහ ස්මාර්ට් වරායන් වැනි ක්ෂේත්රවල යටිතල පහසුකම් සම්බන්ධතාවය සංවර්ධනය කිරීම වේගවත් කරමින් ආරක්ෂිත සහ ස්ථාවර කාර්මික මෙන්ම සැපයුම් දාමයන් පෝෂණය කිරීම සඳහා වියට්නාමය සමඟ කටයුතු කිරීමට චීනය සූදානම් බව චීන අගමැති ලී ච්යං මහතා පවසයි.
වියට්නාම කොමියුනිස්ට් පක්ෂ මධ්යම කාරක සභාවේ මහලේකම් සහ වියට්නාම ජනාධිපති To Lam මහතා ඊයේ (15) බෙයිජිං හිදී හමුවූ අවස්ථාවේ හෙතෙම මේ බව පැවසීය.
වර්තමාන ලෝකයේ වර්ධනය වන අස්ථාවර සහ අවිනිශ්චිතතාවයන් සමග සංකීර්ණ වෙනස්කම්වලට භාජනය වෙමින් පවතී. සාම්ප්රදායික මිත්රශීලි අසල්වැසියන් ලෙස චීනය සහ වියට්නාමය සහයෝගිතාව සහ සම්බන්ධීකරණය ශක්තිමත් කළ යුතුය. පක්ෂ දෙකෙහි සහ රටවල් දෙකෙහි ඉහළම නායකයින්ගේ උපායමාර්ගික මගපෙන්වීම අනුගමනය කිරීමට, එකිනෙකාට ස්ථිරව සහයෝගය දැක්වීමට සහ ප්රායෝගික සහයෝගිතාව පුළුල් කිරීමට චීනය, වියට්නාමය සමඟ කටයුතු කිරීම සඳහා සූදානම් බව ලී ච්යං මහතා සඳහන් කෙළේය.
ජාත්යන්තර පිළිවෙළ සහ පුළුල් පොදු අවශ්යතා පිළිබඳ සමාන අදහස් බෙදා ගන්නා රටවල් ලෙස එක්සත් ජාතීන්ගේ සංවිධානය සහ ආසියා-පැසිෆික් ආර්ථික සහයෝගීතාව වැනි බහුපාර්ශ්වික යාන්ත්රණ සමඟ සම්බන්ධීකරණය කරන ලෙසත්, ඒකපාර්ශ්විකත්වයට සහ බල දේශපාලනයට විරුද්ධ වීමට, සාධාරණත්වය සහ යුක්තිය ආරක්ෂා කිරීමට මෙන්ම විවෘතභාවය, ජයග්රාහී ප්රතිඵල ප්රවර්ධනයට සියලු පාර්ශ්වයන් සමඟ කටයුතු කරන ලෙසත් ඔහු චීනය සහ වියට්නාමය යන දෙපාර්ශ්වයෙන්ම ඉල්ලා සිටියේය.
වියට්නාමය, චීනය සමඟ ඇති සබඳතාවලට විශාල වැදගත්කමක් ලබා දෙන අතර එය එහි විදේශ ප්රතිපත්තියේ ප්රමුඛතාවය ලෙස සලකන බව To Lam මහතා සඳහන් කෙළේය.
තිරසර ආර්ථික සබඳතාවය, විශේෂයෙන් දුම්රිය, ආර්ථික, ආයෝජන සම්බන්ධීකරණය ශක්තිමත් කිරීම, ද්විපාර්ශ්වික සහයෝගිතාවයේ ගැටලු විසඳීම, සමුද්රීය ආරක්ෂාව සහ ස්ථාවරත්වය පවත්වා ගැනීම සහ ගෝලීය ආරක්ෂක අවදානම්වලට ඔරොත්තු දීමේ හැකියාව වැඩි දියුණු කිරීම සඳහා වියට්නාමය, චීනය සමඟ කටයුතු කිරීමට සූදානම් බවද ඔහු පැවසීය.( දිනමිණ ඇසුරින්)
