
- රුසියාවේ නිෂ්පාදිත පිළිකා නිවාරණ එන්නත සාර්ථක ප්රතිඵල පෙන්නුම් කරයි
- වසර 3ක දීර්ඝ කාලසීමාවක් පුරා පර්යේෂණ මඟින් වැඩිදියුණු කළ එන්ටරෝමික්ස් පිළිකා නාශක එන්නත
ලොව පුරා සිටින ලක්ෂ සංඛ්යාත පිළිකා රෝගීන්ගේ ජීවිත බේරා ගැනීමේ අපේක්ෂාවන් ඉහළ නංවාලමින් රුසියාවේ නිෂ්පාදිත පිළිකා නිවාරණ එන්නත සාර්ථක ප්රතිඵල පෙන්නුම් කැර ඇති බව වාර්තා වෙයි.
එරට ජාතික වෛද්ය පර්යේෂණ ආයතනයේ අධ්යක්ෂ ඇලෙක්සැන්ඩර් ගින්ට්ස්බර්ග් ප්රකාශ කර ඇත්තේ වසර 3ක දීර්ඝ කාලසීමාවක් පුරා පර්යේෂණ මඟින් වැඩිදියුණු කළ එන්ටරෝමික්ස් පිළිකා නාශක එන්නත භාවිතය සඳහා ස්වේච්ඡාවෙන් ඉදිරිපත් වූ පළමු රෝගියා සම්පූර්ණ ප්රතිකාර අවසන් කැර ඇති බවයි. mRNA තාක්ෂණය භාවිත කරමින් පුද්ගලාරෝපිතව නිපදවනු ලබන එන්ටරෝමික්ස් එන්නත නිශ්චිත පුද්ගලයකුගේ ජානමය තත්ත්වයන්ට ගැළපෙන පරිදි සකස් කරන අතර, මේ වන විට එම රෝගියා සුවෙන් පසුවන බව රුසියානු ජාතික වෛද්ය පර්යේෂණ ආයතනයේ අධ්යක්ෂවරයා සඳහන් කැර තිබේ. ඔහු රුසියානු සෞඛ්ය අමාත්යාංශය යටතේ පවතින විකිරණ විද්යාව පිළිබඳ ජාතික වෛද්ය පර්යේෂණ මධ්යස්ථානයේදී සීටී ස්කෑන් පරික්ෂණ සඳහා අඛණ්ඩව භාජනය වෙමින් සිටින බව ද වාර්තා වේ. ප්රතිකාර අවසන් වී මාස 4ක් ගතවී ඇතත්, මෑතකදී සිදු කැර ඇති පරීක්ෂණවලින් නව පිළිකා ඇති වීමේ ලක්ෂණ කිසිවක් ඔහුගෙන් පෙන්නුම් කැර නැති අතර, ඉදිරි වසර තුනක කාලයක් පුරා ඔහු තවදුරටත් නිරික්ෂණය යටතේ පසුවනු ඇතැයි ජාතික වෛද්ය පර්යේෂණ ආයතනයේ අධ්යක්ෂ ඇලෙක්සැන්ඩර් ගින්ට්ස්බර්ග් වැඩිදුරටත් සඳහන් කැර තිබේ.(දිනමිණ ඇසුරෙන්)
