Impartial news reporting for a stronger democratic society
හේග් අධි­ක­ර­ණය දුන්  තින්දුව ගණන් නොගෙන පාකිස්තානයට ජලය දුන්න ගංගා ද්‍රෝණියේ ඉන්දි­යාවෙන් ජල විදුලි ව්‍යාපෘතියක්
  • ඉන්දුස් ජල ගිවි­සු­මට සම්බන්ධ ඉන්දු ගංගා ද්‍රෝණියේ ජල විදුලි ව්‍යාපෘති දෙකක්
  • ජම්මු කාශ්මී­රයේ පැහැ­ල්ගාම් සංචා­රක පුර­යේදී පුද්ග­ල­යන් 26 ට මරු කැඳවූ ත්‍රස්ත ප්‍රහා­ර­ය
  • හේග් නුවර බේරු­ම්කාර අධි­ක­ර­ණය ලබා දුන් තීන්දුව ඉන්දි­යාව ප්‍රති­ක්ෂේප කරයි

ලෝක බැංකුවේ මැදි­හ­ත්වී­මෙන් ඉන්දි­යාව සහ පාකි­ස්තා­නය 1960 දී  ඇති කැරගත් ඉන්දුස් ජල ගිවි­සු­මට සම්බන්ධ ඉන්දු ගංගා ද්‍රෝණියේ ජල විදුලි ව්‍යාපෘති දෙකක් ඉදි කර­මින් පව­තින බව විදෙස් මාධ්‍ය වාර්තා කරයි.

 පසු­ගිය වසරේ අප්‍රේල් මාසයේ ජම්මු කාශ්මී­රයේ පැහැ­ල්ගාම් සංචා­රක පුර­යේදී පුද්ග­ල­යන් 26 දෙන­කුට මරු කැඳවූ ත්‍රස්ත ප්‍රහා­ර­යෙන් පසු ඉන්දීය රජය එම ජල ගිවි­සුම අත්හි­ටවූ ඇත.

  මෙම ජල­වි­දුලි ව්‍යාපෘති දෙසැ­ම්බර් මස අග වන විට ආරම්භ කිරීම  ඉන්දියාවේ අපේ­ක්ෂාව වී ඇතැයි වාර්තා වේ. ජම්මු කාශ්මී­රයේ කිෂ්ට්වාර් දිස්ත්‍රි­ක්කයේ පිහිටි චෙනාබ් ගංගාව හරහා ඉදි කෙරෙන ජල විදුලි ව්‍යාපෘ­තියේ ඉදි කිරීම් කට­යුතු අව­සන් කළද, එය සම්පූර්ණ ක්‍රියා­කාරී මට්ටම දක්වා ඉහළ නැංවීම සඳහා දිගු කාල­යක් ගත­වනු ඇතැයි ව්‍යාපෘ­ති­යට සම්බන්ධ නිල­ධා­රි­යකු  විදෙස් මාධ්‍යයට ප්‍රකාශ කැර තිබේ.

ඊට ඇතු­ළත් පාකල් ඩුල් ව්‍යාපෘ­ති­යෙන් මෙගා­වොට් දහ­සක සහ කිරූ ව්‍යාපෘ­ති­යෙන් මෙගා­වොට් 624ක විදුලි ධාරි­තා­වක් අත්කර ගැනී­මට හැකි­වනු ඇතැයි ඉන්දීය රජය විශ්වා­සය පළ කැර තිබේ.

මෙම ඉන්දු ජල ගිවි­සු­මට ගරු කරන ලෙසත්, එය නැවත සක්‍රිය කරන ලෙසත් පසු­ගි­යදා හේග් නුවර බේරු­ම්කාර අධි­ක­ර­ණය ලබා දුන් තීන්දුව ඉන්දි­යාව ප්‍රති­ක්ෂේප කළ අතර, ඉන්දු ජල ගිවි­සුම සම්බ­න්ධව තීරණ ගැනී­මට එම අධි­ක­ර­ණ­යට නීත්‍යා­නු­කූල බල­යක් නොමැති බව සඳ­හන් කැර ඇතැයි විදෙස් මාධ්‍ය වැඩි­දු­ර­ටත් වාර්තා කරයි.

Follow by Email
LinkedIn
Share
WhatsApp