හමුදා සෙබ­ළුන් රැගත් දුම්රි­යක් ඉලක්ක කැර ගනිමින් මරා­ගෙන මැරෙන බෝම්බ ප්‍රහා­ර­යක් එල්ල වීමෙන්­ 24 දෙනකු ජීවි­ත­ක්ෂ­යට පත්වී ඇති අතර, 50කට අධික පිරි­සක් තුවාල ලැබූ බව පකිස්ථානයේ  සිටින Cyber World Press විශේෂ නියෝජිත සඳහාන් කරයි.

දකු­ණු­දිග පාකි­ස්තා­නයේ බලු­කි­ස්තාන ප්‍රාන්තයේ ක්වේටා නග­රය දක්වා ධාව­නය වෙමින් තිබූ දුම්රියක මෙම බෝම්බ ප්‍රහාරය සිදුව  ඇත.

බෝම්බ ඇටවූ මෝටර් රථ­යක් දුම්රියේ ගැටී­මට සැලැ­ස්වී­මෙන් ප්‍රහා­රය සිදු කැර ඇති අතර, එහි වග­කීම බාර­ගන්නා බව බලු­කි­ස්තා­නයේ බෙදු­ම්වාදී විමුක්ති හමු­දාව (Baloch Liberation Army – BLA) නිවේ­ද­නය කැර ඇතැයි අල් ජසීරා පුවත් සේවය උපුට දක්වමින් Cyber World Press විශේෂ නියෝජිත සඳහාන් කරයි.

බෝම්බ ප්‍රහා­ර­යත් සමඟ දුම්රියේ මැදිරි රැසක් පීලි­පැන ඇති අතර, ඇතැම් මැදිරි ගිනි ගෙන විනාශ වූ බව ද වාර්තා වේ. දුම්රිය මාර්ගය අවට නිවාස සහ ගොඩ­නැ­ඟිලි රැසක් ද, අසල නවතා තිබූ මෝටර් රථ රැසක් ද බෝම්බ ප්‍රහා­ර­යෙන් ගිනි­ගෙන විනාශ වී ඇතැයි අල් ජසීරා පුවත් සේවය  උපුටා දක්වමින් Cyber World Press විශේෂ නියෝජිත වැඩි­දු­ර­ටත් සඳහාන් කරයි.

 ප්‍රහා­ර­යෙන් පසු ක්වේටා නග­රයේ සියලු රජයේ රෝහ­ල්ව­ලට හදිසි ආපදා තත්ත්ව­යක් ප්‍රකා­ශ­යට පත් කැර ඇති බවත්, සියලු වෛද්‍ය­ව­රුන්ට සහ රෝහල් කාර්ය මණ්ඩ­ල­යට අඛ­ණ්ඩව සේවයේ නිර­ත­වන ලෙස නියෝග කැර ඇති බවත් අනාවරණය වෙයි.