අනුරාධපුර විහාරස්ථානයක විහාරාධිපති හිමිනමක් හා තවත් දෙදෙනකු 15 හැවිරිදි බාල වයස්කාර දැරියකට අවස්ථා කිහිපයකදී ලිංගික අතවරයක් සිදු කළ බව කියන සිද්ධිය සම්බන්ධයෙන් විමර්ශන පවත්වන ගම්පහ කොට්ඨාස පොලිස් ළමා හා කාන්තා කාර්යංශය ඒ සම්බන්ධයෙන් සැකපිට දඹුල්ල ආර්ථික මධ්යස්ථානයේ අතරමැදි ව්යාපාරිකයකු ද අත්අඩංගුවට ගෙන තිබේ.
සැකකාර අතරමැදි ව්යාපාරිකයා අත්අඩංගුවට ගෙන ඇත්තේ, දැරිය පොලිස් විමර්ශන කණ්ඩායමකට ලබාදී ඇති ප්රකාශයක් ඔස්සේ සිදු කළ මූලික විමර්ශනවලින් අනතුරුවය.
සිද්ධියට සම්බන්ධ 15 හැවිරිදි බාල වයස්කාර දැරිය ගම්පහ මහ රෝහලේ අධිකරණ විශේෂඥ වෛද්යවරයාට ප්රකාශයක් ලබා දෙමින් සඳහන් කැර ඇත්තේ, තමන්ට මුලින්ම ලිංගික අතවරයක් කරනු ලැබුවේ අනුරාධපුර පුදබිමේ පිහිටි ප්රධාන විහාරස්ථානයක විහාරාධිපති හිමිනමක විසින් බවයි. අදාළ විහාරාධිපති හිමිනම පිළිබඳව දැරිය සිය ප්රකාශය මඟින් අනාවරණ කැර ඇත්තේ එම හිමිනමගේ නම සඳහන් කරමින් ඡායාරූප ද පෙන්වමිනි.
එම විහාරාධිපති හිමිනමට අනතුරුව දෙවැනුව දඹුල්ල ප්රදේශයේ අදාළ ව්යාපාරිකයාත්, තෙවැනුව කොන්දොස්තරවරයකු වන තම පෙම්වතාත් අතින් තමන්ට ලිංගික අතවර සිදු වූ බවද දැරිය එහිදී අනාවරණය කැර ඇත.
(දිනමිණ -අනුරාධපුර මධ්යම සමූහ – උපාලි ආනන්ද)
