ඉරානය සමඟ ඇති කැර ගැනීමට අපේක්ෂිත එකඟතාවයකට අවස්ථාවක් ලබා දීම සඳහා හෝමූස් සමුද්ර සන්ධිය යළි විවෘත කිරීමේ අරමුණින් දියත් කළ “ප්රොජෙක්ට් ෆ්රීඩම්” (Project Freedom) මෙහෙයුම තාවකාලිකව අත්හිටුවීමට අමෙරිකානු ජනාධිපති ඩොනල්ඩ් ට්රම්ප් තීරණය කැර ඇති බව අනාවරණය වෙයි.
කෙසේ වෙතත්, ඉරාන වරායන් වෙත පනවා ඇති අවහිර කිරීම් දිගටම ක්රියාත්මක වන බව ඔහු අවධාරණය කැර ඇත.
අමෙරිකානු ජනාධිපතිවරයා සිය ටෘෘත් සෝෂල් (Truth Social) හි සටහනක් තබමින් ජනාධිපතිවරයා ප්රකාශ කෙළේ, පාකිස්තානය ඇතුළු මැදිහත්කාර රටවල ඉල්ලීම් සහ දැනට සාකච්ඡා මට්ටමේ පවතින එකඟතාවල ප්රගතිය සලකා මෙම තීරණය ගත් බවයි.
“ගිවිසුම අවසන් කැර අත්සන් කළ හැකිදැයි බැලීමට අපි කෙටි කාලයකට මෙහෙයුම නවතා දැමීමට එකඟ වුණා,” යනුවෙන් අමෙරිකානු ජනාධිපතිවරයා වැඩිදුරටත් පවසා ඇත.
සඳුදා ආරම්භ කළ “ප්රොජෙක්ට් ෆ්රීඩම්” (Project Freedom) මෙහෙයුම හේතුවෙන් එක්සත් ජනපදය සහ ඉරානය අතර උණුසුම් තත්ත්වයක් නිර්මාණය වූ අතර, දෙපාර්ශ්වය අතර වෙඩි හුවමාරු ද සිදු විය.
මේ අතර, එක්සත් ජනපද රාජ්ය ලේකම් මාර්කෝ රුබියෝ මහතා ප්රකාශ කෙළේ, ඉරානයට එරෙහි ප්රහාරාත්මක මෙහෙයුම් මේ වන විට අවසන් කැර ඇති බවයි.
එහෙත් හෝමූස් සමුද්ර සන්ධිය තුළ නාවික ගමනාගමනයට යළිත් තර්ජන එල්ල වුවහොත් “දැඩි හා විනාශකාරී” ප්රතිචාරයක් දක්වීමට සූදානම් බව ද වොෂින්ටනය අනතුරු ඇඟවීය.( දිනමිණ ඇසුරෙන්)
