අමෙරිකාව තමන්ගේ නාවික හමුදා ඉවත් කැර ගැනීම සහ ඉරාන වරායන් අවහිර කිරීම නවතා දමන්නේ නම් දින හතක් ඇතුළත හෝමූස් සමුද්ර සන්ධිය විවෘත කළ හැකි බව ඉරාන ජ්යෙෂ්ඨ නිලධාරියෙක් පසුගිය දා රොයිටර් පුවත් සේවය උපුට දක්වමින් Cyber World Press සඳහාන් කරයි.
පසුගිය ඉරිදා, ඉරානයේ හමුදා මධ්යම අණදෙන නිලධාරියා පැවසුවේ, කලාපීය රටවල සහාය ඇතිව අමෙරිකා එක්සත් ජනපදය හමුදා මෙහෙයුම් නැවත ආරම්භ කිරීමට සූදානම් වන බව තමන්ට දන්වා ඇති බවත්, මෙය “සීමාවන් සහ සලකා බැලීම් නොමැතිව” ටෙහෙරානයේ පළිගැනීමට තුඩු දෙන බවට අනතුරු ඇඟවූ බවත්ය.
අමෙරිකා එක්සත් ජනපදයට මෙම ගැටලුව රාජ්ය තාන්ත්රිකව විසඳීමට අවශ්ය බව මේ වන විට නිවේදනය කැර ඇත. ඉරානය පවසන්නේ එය නිල වශයෙන් ප්රකාශ කළ යුතු අතර, පසුව ක්රියාවලිය ඉදිරියට යන ආකාරය අනුව කාලරාමුවක් පිළිබඳව එකඟ විය හැකි බව ජ්යෙෂ්ඨ නිලධාරියා පවසා ඇත.
එක්සත් ජාතීන්ගේ මහා මණ්ඩල සැසිවාරයට සහභාගී වන ඉරාන නියෝජිත පිරිස නිව්යෝර්ක්හි දී අමෙරිකා එක්සත් ජනපදය සමඟ රාජ්ය තාන්ත්රික කටයුතු නැවත ආරම්භ කිරීමට සුදානම් බව රොයිටර් පුවත් සේවය උපුට දක්වමින් Cyber World Prees සඳහාන් කරයි.
පසුගිය අඟහරුවාදා උදෑසන ටෙහෙරානයෙන් නිව්යෝර්ක් බලා පිටත්ව ගිය ඉරාන ජනාධිපති මසූඩ් පෙසෙෂ්කියන්, නිව්යෝර්ක් හි පිහිටා ඇති එක්සත් ජාතීන්ගේ මූලස්ථානයේදී අමෙරිකා එක්සත් ජනපද ජනාධිපති ඩොනල්ඩ් ට්රම්ප් හමුවන්නේ නැති බව එම නිලධාරියා රොයිටර් පුවත් සේවයට ඇති බව රොයිටර් පුවත් සේවය උපුට දක්වමින් Cyber World Prees සඳහාන් කරයි.
වොෂින්ටනය සමඟ සතුරුකම් අවසන් කිරීමේ ගිවිසුමක් පිළිබඳ විස්තර නිව්යෝර්ක්හි දී මැදිහත්කරුවන් හරහා සාකච්ඡා කළ හැකි බව ඉරාන නිලධාරියා පැවසූ අතර, ටෙහෙරානයේ යෝජනාව සැප්තැම්බර් 16 වැනි දින මැදිහත්කරුවන් හරහා අමෙරිකා එක්සත් ජනපදයට ලබා දුන් බව රොයිටර් පුවත් සේවය උපුට දක්වමින් Cyber World Prees සඳහාන් කරයි.
“එක්සත් ජාතීන්ගේ මහා මණ්ඩලය, අමෙරිකා එක්සත් ජනපදයට රාජ්ය තාන්ත්රික කටයුතුවලට නැවත පැමිණීමට ස්වර්ණමය අවස්ථාවක්”, වොෂින්ටනය පියවර ගන්නේ නම් රාජ්ය තාන්ත්රික කටයුතු නැවත ආරම්භ කිරීම ටෙහෙරානය සාදරයෙන් පිළිගන්නා බව එම නිලධාරියා පැවසීය.
