යාප­නය, චෙම්මනි, සිත්තු­පාත්තු සුසාන භූමිය ආස­න්නයේ පව­තින සමූහ මිනී වළේ 6 වැනි අදි­යරේ කැණීම් කට­යු­තු­ව­ලදී තවත් මිනිස් සිරුරු 245කට අදාළ අස්ථි කොටස් හමු වී ඇත.

කැණීම් කට­යුතු  පසුගිය ඉරිදා දින නවතා තිබූ අතර, එහි තව­දු­ර­ටත් කැණීම් කට­යුතු ඊයේ (04) දින­යේදී යළි ආරම්භ  කෙළේය.

එම මිනී වළේ හය­වැනි අදි­යරේ කැණීම් කට­යුතු ඊයේ (04) හය වැනි දින­ය­ටත් සිදු වූ අතර එහිදී මිනිස් සිරුරු 243කට අදාළ අස්ථි කොටස් ගොඩ ගැනිණි. කැණීම් භාර නිල­ධා­රීන් යාප­නය මහේ­ස්ත්‍රාත් එස්. ලෙනින් කුමාර් මහ­තාගේ අධී­ක්ෂ­ණය යටතේ කැණීම් කට­යුතු සිදු කෙරිණි.

ඒ අනුව 06 වැනි දිනය තුළ හමුවූ අස්ථි සමඟ මෙම ස්ථානයේ මේ වන විට සිරුරු 246කට අයත් අස්ථි හඳු­නා­ගෙන ඇති අතර, ඉන් සිරුරු 243කට අයත් අස්ථි සම්පු­ර්ණ­යෙන්ම කැණීම් කැර අව­සන් බව කැණීම් භාර නිල­ධා­රීන් සඳ­හන් කරයි.තවද මෙම ස්ථානයේ සැක කට­යුතු කළු පැහැති පස් ඇති ස්ථාන­යක්ද හඳු­නා­ගෙන ඇති අතර ඒ පිළි­බඳ වැඩි­දුර පරී­ක්ෂණ සඳහා අදාළ පස් සාම්පල එකතු කැර ඇති බව ද අනා­ව­ර­ණය වේ.

මෙයට අම­ත­රව තවත් සැක සහිත අව­ශේෂ හමුව ඇති අතර , ඒ පිළි­බ­ඳව වැඩි­දුර විම­ර්ශ­න­ව­ලින් අන­තු­රුව තොර­තුරු ලබා දීමට කැණීම් භාර නිල­ධා­රීන් කට­යුතු කර­මින් සිටියි.

(දිනමිණ – යාප­නය සමූහ – කිත්සි­රිගේ ප්‍රසන්න)