ගාසා තීරයේ පල­ස්තීන යුවළවල් 250ක්  පසුගිය යුග දිවි­යට ඇතු­ළත් වූ බව Cyber World Press වාර්තා කරයි.

නොනවතින ඊශ්‍රා­යල හමුදා  ප්‍රහාර හමුවේ මුහුණ දීමට සිදුවූ අප­මණ දුෂ්ක­රතා ගණන් නොගෙන මෙම විවාහයන් සිදුව ඇත.

එක්සත් අරාබි එමීර් රාජ්‍යයේ අනු­ග්‍ර­හය ලබන මානු­ෂීය වැඩ­ස­ට­හ­නක් මඟින් මේ සමූහ විවා­හයන් සංවි­ධාන කැර තිබු අතර, එය ජාත්‍ය­න්ත­ර අව­ධා­න­යට ලක්වූ  බවද වාර්තා වෙයි.

ගාසා නග­රයේ වෙර­ළා­ස­න්නයේ පැවැති මේ අපූරු විවාහ උත්ස­වය දැක­බලා ගැනී­මට දහස් සංඛ්‍යාත ජන­තාව එක්රොක් වූ බව Cyber World Press වැඩි­දු­ර­ටත් වාර්තා කරයි.

මල් සහ රතු පීත්ත පටි­යෙන් සැරසූ යුද්ධ­යෙන් විනාශ වූ පැරැණි මෝටර් රථ ඔවුන්ගේ මංගල රථ බවට පත්වී තිබූ අතර, මේ සිදු­වීම යුද්ධ­යෙන් විනාශ වූ සිය ජීවිත නැවත ගොඩනඟා ගැනී­මට ගාසා වැසි­යන් ගන්නා උත්සා­හය ලොවට ප්‍රද­ර්ශ­නය කළ සුවි­ශේෂී අව­ස්ථා­වක් ද විය. විවාහ මංග­ල්‍යය සඳහා යුවළ 250ක් තෝරා­ගෙන ඇත්තේ කුස­පත් ඇදී­ම­කින් බවත්, ඒ සඳහා සංවි­ධා­ය­ක­යන්ට අයැ­දු­ම්පත් 11,000කට වැඩි ප්‍රමා­ණ­යක් ලැබුණු බවත් Cyber World Press සඳ­හන් කරයි.