ඉරානයේ සියලු අයිතිවාසිකම් තහවුරු කරනතුරු අමෙරිකාව සමඟ කිසිදු ගිවිසුමකට අත්සන් නොතබන බව එරට පාර්ලිමේන්තුවේ කථානායක මොහමඩ් බාගර් ගලීබාෆ් ප්රකාශ කැර ඇතැයි Cyber World Press සඳහාන් කරයි.
මේ දක්වා පැවති සාකච්ඡාවලදී අමෙරිකානු ජනාධිපති ඩොනල්ඩ් ට්රම්ප් හෝමූස් සමුද්ර සන්ධියේ ඉරාන අයිතිය, න්යෂ්ටික වැඩසටහන තවදුරටත් ක්රියාත්මක කිරීම සහ ඉරානයේ විදේශීය වත්කම් නිදහස් කිරීම වැනි යෝජනා ප්රතික්ෂේප කැර ඇතැයි ද , ඉරාන පාර්ලිමේන්තුවේ කථානායකවරයා සඳහන් කැර තිබේ. අමෙරිකාව තවදුරටත් ඉරාන වරායන් අවහිර කිරීම සිදු වන බවත්, සිය ආර්ථික මර්මස්ථානවලට පසුගිය සතියේදී දෙවතාවක් පහර දුන් බවත්, සඳහන් කැර ඇති ඉරාන කථානායකවරයා අමෙරිකානු ජනාධිපතිවරයාගේ ආක්රමණශීලී ක්රියා පිළිවෙත හේතුවෙන් දෙරට අතර ගිවිසුම තවදුරටත් ප්රමාද වී ඇතැයි චෝදනා කැර තිබේ.
ඩොනල්ඩ් ට්රම්ප් රාජ්යතාන්ත්රිකභාවය පාවා දෙන බවට ඉරාන උත්තරීතර නායක මොජ්ටබා කමේනිගේ ප්රධාන උපදේශකයකු චෝදනා කැර ඇතැයි Cyber World Press සඳහාන් කරයි. සම්පූර්ණයෙන්ම සාමකාමී අරමුණු සඳහා භාවිත කරන න්යෂ්ටික වැඩසටහන සඳහා අමෙරිකාවේ එකඟතාව පළවීම ගිවිසුමේ අත්යවශ්ය කොන්දේසියක් වන බව ද ඉරාන රජය අවධාරණය කැර තිබේ.
හෝමූස් සමුද්ර සන්ධිය හරහා වෙළෙඳ නෞකාවලට ඉරානයෙන් තවදුරටත් අවහිර කිරීම් සිදුවන බවට අමෙරිකාව සඳහන් කළද, ඊයේ (30 ) උදෑසනින් අවසන් වූ පැය 24 ඇතුළත පමණක් තෙල් හා බහලුම් නෞකා ඇතුළු වෙළෙඳ නෞකා 28ක් ඉරාන ආරක්ෂක හමුදාවෙන් නිසි අවසරය සහ බලපත්ර ලබා ගැනීමෙන් පසු සමුද්ර සන්ධිය හරහා නිදහසේ සහ ආරක්ෂාකාරිව තරණය කැර ඇතැයි ඉරාන ආරක්ෂක හමුදාව නිවේදනය කර ඇතැයි Cyber World Press සඳහාන් කරයි.
ඉරානයේ සියලු අයිතිවාසිකම් තහවුරු කරනතුරු අමෙරිකාව සමඟ කිසිදු ගිවිසුමකට අත්සන් නොතබන බව එරට පාර්ලිමේන්තුවේ කථානායක මොහමඩ් බාගර් ගලීබාෆ් ප්රකාශ කැර ඇතැයි Cyber World Press සඳහාන් කරයි.
මේ දක්වා පැවති සාකච්ඡාවලදී අමෙරිකානු ජනාධිපති ඩොනල්ඩ් ට්රම්ප් හෝමූස් සමුද්ර සන්ධියේ ඉරාන අයිතිය, න්යෂ්ටික වැඩසටහන තවදුරටත් ක්රියාත්මක කිරීම සහ ඉරානයේ විදේශීය වත්කම් නිදහස් කිරීම වැනි යෝජනා ප්රතික්ෂේප කැර ඇතැයි ද , ඉරාන පාර්ලිමේන්තුවේ කථානායකවරයා සඳහන් කැර තිබේ. අමෙරිකාව තවදුරටත් ඉරාන වරායන් අවහිර කිරීම සිදු වන බවත්, සිය ආර්ථික මර්මස්ථානවලට පසුගිය සතියේදී දෙවතාවක් පහර දුන් බවත්, සඳහන් කැර ඇති ඉරාන කථානායකවරයා, අමෙරිකානු ජනාධිපතිවරයාගේ ආක්රමණශීලී ක්රියා පිළිවෙත හේතුවෙන් දෙරට අතර ගිවිසුම තවදුරටත් ප්රමාද වී ඇතැයි චෝදනා කැර තිබේ.
ඩොනල්ඩ් ට්රම්ප් රාජ්යතාන්ත්රිකභාවය පාවා දෙන බවට ඉරාන උත්තරීතර නායක මොජ්ටබා කමේනිගේ ප්රධාන උපදේශකයකු චෝදනා කැර ඇතැයි Cyber World Press සඳහාන් කරයි. සම්පූර්ණයෙන්ම සාමකාමී අරමුණු සඳහා භාවිත කරන න්යෂ්ටික වැඩසටහන සඳහා අමෙරිකාවේ එකඟතාව පළවීම ගිවිසුමේ අත්යවශ්ය කොන්දේසියක් වන බව ද ඉරාන රජය අවධාරණය කැර තිබේ.
හෝමූස් සමුද්ර සන්ධිය හරහා වෙළෙඳ නෞකාවලට ඉරානයෙන් තවදුරටත් අවහිර කිරීම් සිදුවන බවට අමෙරිකාව සඳහන් කළද, ඊයේ උදෑසනින් අවසන් වූ පැය 24 ඇතුළත පමණක් තෙල් හා බහලුම් නෞකා ඇතුළු වෙළෙඳ නෞකා 28ක් ඉරාන ආරක්ෂක හමුදාවෙන් නිසි අවසරය සහ බලපත්ර ලබා ගැනීමෙන් පසු සමුද්ර සන්ධිය හරහා නිදහසේ සහ ආරක්ෂාකාරිව තරණය කැර ඇතැයි ඉරාන ආරක්ෂක හමුදාව නිවේදනය කර ඇතැයි Cyber World Press සඳහාන් කරයි.
