Impartial news reporting for a stronger democratic society
ඩොනල්ඩ් ට්‍රම්ප්ගේ දුෂණ – වංචා සොයන්න ඩිමො­ක්‍ර­ටික් පක්ෂයෙන් මෙහෙයුමක් !
  • ට්‍රම්ප්ගේ  පවුලේ ව්‍යාපා­රික ගනු­දෙනු සහ ධවල මන්දි­රයේ බල­පෑම් පිළි­බඳ සොයා බැලීමට සුදානම්
  • ට්‍රම්ප් පිළිබඳ විම­ර්ශන කට­යුතු ලබන පෙබ­ර­වා­රියේ සිට ආරම්භ වෙයි
  • ඩිමො­ක්‍ර­ටික් පක්ෂයෙන් පුළුල් විම­ර්ශ­න

ජනා­ධි­පති ඩොනල්ඩ් ට්‍රම්ප්ගේ  පවුලේ ව්‍යාපා­රික ගනු­දෙනු සහ ධවල මන්දි­රයේ බල­පෑම් පිළි­බඳ සොයා බැලීමට සුදානම් වන බව අමෙරිකාවේ ඩිමො­ක්‍ර­ටික්  පක්ෂයේ  ඉහළ  නිලධාරීයකු වොෂින්ටන් නුවර සිටින Cyber World Press  වාර්තාකරුට පවසා තිබේ.  

අමෙ­රි­කාවේ මධ්‍ය වාර මැති­ව­ර­ණ­යේදී නියෝ­ජිත මන්ත්‍රී මණ්ඩ­ලයේ සහ සෙනෙට් සභාවේ බලය තහ­වුරු කැර­ ගැනීමෙන් පසු  පළමු නිල රාජ­කා­රිය වන්නේ ඩොනල්ඩ් ට්‍රම්ප්ගේ ගනුදෙනු සොයා බැලීම බව එම නිලධාරීයා තවදුරටත් පවසා තිබේ.

ඒ සඳහා නීති­ඥ­යන් සූදා­නම් කැර­ගන්නා ලෙස දැන­ට­මත් ඩිමො­ක්‍ර­ටික් මන්ත්‍රී­ව­රුන්ට උප­දෙස්  දී ඇති බවත් ,ට්‍රම්ප් පවුලේ ගනු­දෙ­නු­ව­ලට සම්බන්ධ බව කියන සමා­ග­ම්ව­ලින් ඩිමො­ක්‍ර­ටික් පක්ෂය දැන­ට­මත් වාර්තා ඉල්ලා ඇති බව අනාවරණය වී තිබේ. ඔවුන්ගේ තැර­ව්ක­රු­වන් ලෙස කට­යුතු කළ පාර්ශ්ව­ක­රු­වන් ඩිමො­ක්‍ර­ටික් පක්ෂයේ පළමු ඉල­ක්කය වනු ඇතැයි එම නිලධාරීයා  Cyber World Press  වාර්තාකරුට පවසා ඇත. රොයි­ටර් පුවත් සේවයේ වාර්තාවක් උපුටා දක්වමින් Cyber World Press  සඳ­හන්  කරන්නේ ට්‍රම්ප් පිළිබඳ විම­ර්ශන කට­යුතු ලබන පෙබ­ර­වා­රියේ සිට ආරම්භ වනු ඇති බවයි.

ට්‍රම්ප් පවුලේ ව්‍යාපාර සඳහා සත්කා­ර­ක­ත්වය සැපයූ රට­වල් කිහි­ප­යක් කෙරෙහි විම­ර්ශන කට­යුතු ඇදී යනු ඇති බවත්,  ලබන ජන­වා­රියේ දිවු­රුම් දීමෙන් පසුව කොංග්‍ර­සයේ අධි­ක්ෂණ කමි­ටුවේ සභා­පති ලෙස පත්වී­මට නිය­මිත කැලි­ෆෝ­නියා ප්‍රාන්තයේ ඩිමො­ක්‍ර­ටික් නියෝ­ජිත රොබට් ගාෂියා ප්‍රකාශ කැර  තිබේ. ට්‍රම්ප් පවු­ලට සහ ට්‍රම්ප් සංවි­ධා­න­යට අමෙ­රි­කා­වෙන් පිටත රට­වල් රැසක ව්‍යාපා­රික ගනු­දෙනු, දේපොළ වෙළෙ­ඳාම් සහ බල­පත්‍ර ගිවි­සුම් පව­තින බවත්, සවුදි අරා­බිය, ඕමා­නය, එක්සත් අරාබි එමීර් රාජ්‍යය, පාකි­ස්තා­නය, බ්‍රිතා­න්‍යය ඇතුළු රට­වල් කිහි­ප­යක් ඇතු­ළත් වන බවත් වොෂි­න්ටන් පෝස්ට්, නිව්යෝර්ක් ටයිම්ස් ඇතුළු අමෙ­රි­කාවේ ප්‍රධාන පුව­ත්පත් වාර්තා කැර ඇති අතර, ඒ අත­රින් සවුදි අරා­බිය සහ පාකි­ස්තා­නය ඉදි­රි­යෙන් සිටින බව සඳ­හන් කර තිබේ.

ට්‍රම්ප්ගේ බෑන­ණු­වන් වන ජෙරාඩ් කුෂ්නර්ගේ සමා­ග­ම­කට සවුදි අරා­බි­යෙන් ලැබුණු ඩොලර් බිලි­යන 2ක ආයෝ­ජන, විශේෂ නියෝ­ජිත ස්ටීව් විට්කොෆ්ගේ පුත්‍ර­යකු වන සචේරි විට්කොෆ්ගේ පාකි­ස්තා­නයේ ව්‍යාපා­රික ගිවි­සුම් ඇතුළු තවත් ගනු­දෙනු රැසක් ඩිමො­ක්‍ර­ටික් පක්ෂයේ පුළුල් විම­ර්ශ­න­යට ලක්වනු ඇතැයි වාර්තා වේ. ධවල මන්දි­රයේ වර­ප්‍ර­සාද යටතේ ඔවුන් සමඟ ගනු­දෙනු කළ පාර්ශ්ව­යන් විම­ර්ශ­න­යට ලක්වීමේ අව­දා­නම හේතු­වෙන් විම­ර්ශන ආරම්භ වීමට පෙර ඩිමො­ක්‍ර­ටික් පක්ෂය සමඟ සමීප සම්බ­න්ධතා ගොඩනඟා ගැනී­මට රට­වල් කිහි­ප­යක් උත්සාහ දරනු ඇතැයි Cyber World Press  වැඩි­දු­ර­ටත් වාර්තා කරයි.

Follow by Email
LinkedIn
Share
WhatsApp