හෝමූස් සමුද්ර සන්ධිය ආසන්නයේදී හෙලිකොප්ටර් යානයක් අනතුරට ලක්වීම මුල් කරමින් අමෙරිකානු හමුදාවෙන් එල්ල වූ ප්රහාරයට ප්රතිචාර ලෙස, ගල්ෆ් රටවල පිහිටි අමෙරිකානු කඳවුරු ඇතුළු ඉලක්ක 21කට පහර දුන් බව ඉරාන ආරක්ෂක හමුදාව නිවේදනය කැර ඇතැයි ටෙහේරානයේ සිටින Cyber World Press විශේෂ නියෝජිත සඳහාන් කරයි.
බහරේන් රාජ්යයේ පිහිටි අමෙරිකානු පස්වැනි නාවික බළඇණියට සහ ජෝර්දානයේ අමෙරිකානු හමුදාව රැඳී සිටින ගුවන් කඳවුරකට ඩ්රෝන ප්රහාරයක් එල්ල කළ බව ඉරාන ආරක්ෂක හමුදාව නිකුත් කළ නිවේදනයේ සඳහන් කැර ඇති බව වාර්තා වේ.
කුවේට්, ජෝර්දාන් සහ බහරේන් රාජ්යයන් හි පිහිටි අමෙරිකානු හමුදා කඳවුරුවලට එල්ල කළ මිසයිල ප්රහාරය සම්බන්ධව අමෙරිකානු රජය ප්රකාශයක් නිකුත් කැර නැති අතර, එම ප්රහාරවලින් සිදු වූ හානිය මෙතෙක් වාර්තා වී නැතැයි Cyber World Press සඳහන් කරයි.
ඉරානයෙන් එල්ල කළ මිසයිල පහක් සිය ගුවන් ආරක්ෂණ පද්ධතියෙන් බිම හෙළූ බව ජෝර්දාන හමුදාව නිවේදනය කර ඇති අතර, බහරේන් සහ කුවේට් රාජ්යයන් සඳහන් කර ඇත්තේ ඉරාන මිසයිල ප්රහාර වැළැක්වීමට සමත්වූ බවය.
