උත්තරීතර නායක මොජ්ටබා කමේනිගේ අවසරයකින් තොරව අමෙරිකාව සමඟ කිසිදු ආකාරයේ ගිවිසුමකට එකඟතාවක් නොදක්වන බව ඉරාන ජනාධිපති මසූඩ් පෙසෙෂ්කියන් ප්රකාශ කැර ඇතැයි ටෙහේරාන් නුවර සිටින Cyber World Press විශේෂ නියෝජිත ප්රකාශ කරයි.
ඉරානය සමඟ සාම ගිවිසුමකට එළඹීම අවසන් අදියරේ පවතින බවට අමෙරිකානු ජනාධිපති ඩොනල්ඩ් ට්රම්ප් කළ ප්රකාශට පිළිතුරු දෙමින් ඉරාන ජනාධිපති මසූඩ් පෙසෙෂ්කියන් මේ බව සඳහාන් කැර තිබේ. හෝමූස් සමුද්ර සන්ධිය නැවත විවෘත කිරිම ඇතුළුව යෝජනාවලියට අනුව අමෙරිකාව සහ ඉරානය අතර එම සාම ගිවිසුම අත්සන් කිරීම අද හෙටම සිදුවනු ඇතැයි ද ට්රම්ප් සඳහන් කැර ඇතැයි විදෙස් මාධ්ය වාර්තා කැර තිබු බව Cyber World Press විශේෂ නියෝජිත අනාවරණය කරයි.
පසුගියදා ඉන්දියාවේ සංචාරයක නිරත වූ අමෙරිකානු රාජ්ය ලේකම් මාර්කෝ රුබියෝ ජනාධිපතිවරයාගේ ප්රකාශය තහවුරු කැර ඇති අතර, න්යෂ්ටික අවියක් නිපදවීමෙන් වැළකී සිටීමට සහ හෝමූස් සමුද්ර සන්ධිය යළි විවෘත කිරීමට ඉරානය එකඟ විය යුතු බවට ද අවධාරණය කැර තිබේ.
පාකිස්තාන අගමැති ශෙබාස් ෂරීෆ් ද එවැනි ප්රකාශයක් නිකුත් කැර ඇති අතර, පාකිස්තාන නියෝජිතයන් පසුගියදා ටෙහේරාන් අගනුවරදී ඉරාන රජයේ නියෝජිතයන් සමඟ පැවති සාකච්ඡාව සාර්ථක බවත්, ඉදිරි දින කිහිපය ඇතුළත අමෙරිකානු සහ ඉරාන නියෝජිතයන් අතර තවත් සාකච්ඡා වටයක් පැවැත්වීමට නියමිත බවත් සඳහන් කැර තිබේ.
අමෙරිකානු ජනාධිපතිවරයා සඳහන් කළ ආකාරයට හෝමූස් සමුද්ර සන්ධිය නැවත විවෘත කිරිමට ඉරානය මෙතෙක් එකඟතාව පළ කැර නැති බවත්, ඒ සඳහා විධිමත් ක්රමවේදයක් අනුගමනය කිරිමට සාකච්ඡා කරමින් සිටින බවත් ඉරාන ජනාධිපතිවරයා සඳහන් කැර තිබේ.අවසාන වශයෙන් උත්තරීතර නායක මොජ්ටබා කමේනිගේ අවසරයකින් තොරව අමෙරිකාව සමඟ කිසිදු ආකාරයේ ගිවිසුමකට එකඟතාවක් නොදක්වන බව ඉරාන ජනාධිපතිවරයා ප්රකාශ කැර ඇත.
අමෙරිකාවේ යෝජනාවට අනුව න්යෂ්ටික වැඩසටහන සහ යුරේනියම් නිස්සාරණය අත්හිටුවීමට එකඟ නොවූ බව ද ඉරාන ජනාධිපතිවරයා වැඩිදුරටත් ප්රකාශ කැර තිබේ.
ඉරාන මාධ්ය උපුටා දක්වමින් ,Cyber World Press සඳහාන් කරන්නේ විදේශ රටවල ඇති ඉරාන වත්කම්වලින් අඩක් නිදහස් කිරිම සහ හෝමූස් සම්රුද්ර සන්ධියට අදාළ ක්රියාපටිපාටිය සැලසුම් කිරීමට දින 30ක් කාලයක් සහ න්යෂ්ටික වැඩසටහන සම්බන්ධව තීරණය කිරීමට දින 60ක කාලයක් ඉරානයට අවශ්ය වී ඇති බවයි.
