2000 වසරේ මාර්තුවේ සිට මේ දක්වා පාකිස්තානයේ ත්රස්තවාදී ප්රචණ්ඩ ක්රියා හේතුවෙන් 72,000කට වැඩි පිරිසක් ජීවිතක්ෂයට පත් වී ඇතැයි දකුණු ආසියානු ත්රස්තවාදී දත්ත ආයතනය ප්රකාශ කළ බව විදෙස් මාධ්ය උපුටා දක්වම්න් Cyber World Press සඳහාන් කරයි.
දකුණු ආසියාව පුරා සිදුවන ත්රස්තවාදය සහ කැරලිකාර සිදුවීම් සම්බන්ධව තොරතුරු රැස් කරන මේ ආයතනය නිකුත් කළ එම දත්තවලට අනුව මියගිය අය අතර සිවිල් වැසියන් 23,000ක්, ත්රස්තවාදීන් හෝ කැරලිකරුවන් 38,000ක් සහ ආරක්ෂක අංශ සාමාජිකයන් 11,000කට වැඩි පිරිසක් සිටින බව වාර්තා වේ.
ජාත්යන්තර ප්රතිපත්ති අධ්යයන ආයතන සහ විශ්ලේෂණාත්මක වාර්තා පෙන්වා දී ඇත්තේ මේ විශාල ජීවිත හානියට හේතුව පාකිස්තානය ත්රස්තවාදී කණ්ඩායම් සම්බන්ධව අනුගමනය කරන දිගුකාලීන ප්රතිපත්තිය බවය. ජාත්යන්තර බෘකින්ස් ආයතනය සඳහන් කර ඇත්තේ පාකිස්තානයේ ආරක්ෂක අංශ වසර ගණනාවක සිට සිය උපායමාර්ගික අරමුණුවලට ගැළපෙන ත්රස්තවාදී සංවිධාන පෝෂණය කිරීම සහ රාජ්යයට සෘජු තර්ජන එල්ල කරන ත්රස්තවාදී සංවිධාන මැඬ පැවැත්වීම සඳහා කටයුතු කරමින් සිටින බවය.
කලාපීය ආරක්ෂාව මත පදනම්ව නිර්මාණය කර ඇති මේ ත්රස්තවාදී ක්රමවේදය මඟින් පාකිස්තානයට භූ දේශපාලනික බලපෑමක් ලබාගැනීමටත්, එහි කලාපීය උපායමාර්ගික අරමුණුවලට සහය වීමටත් හැකියාව ලැබී ඇතැයි විදෙස් මාධ්ය වැඩිදුරටත් වාර්තා කරයි. එහෙත් ඉන් ඇතැම් ත්රස්තවාදී සංවිධාන රාජ්ය පාලනයෙන් ඔබ්බට වර්ධනය වීමත් සමඟ බලාපොරොත්තු නොවූ දිගුකාලීන අහිතකර ප්රතිවිපාක ඇතිවූ බව පර්යේෂකයන් පෙන්වා දී ඇතැයි විදෙස් මාධ්ය සඳහන් කරන බව Cyber World Press වාර්තා කරයි.
