2026 ලෝක කෘත්‍රිම බුද්ධි සමුළුව සහ ගෝලීය කෘත්‍රිම බුද්ධි කළමනාකරණය පිළිබඳ උසස් පෙළේ රැස්වීම ඊයේ (17) ෂැංහයිහිදී ආරම්භ  විය.

චීන ජනාධිපති ෂී ජින්පිං  එහි සමාරම්භක උළෙලට එක් වෙමින් ප්‍රධාන දේශනය සිදු කළ අතර ‘සාධාරණ හා යුක්ති සහගත ගෝලීය කෘත්‍රිම බුද්ධි කළමනාකරණ පද්ධතියක් එක්ව ගොඩනැගීම’ යන්න  මෙහි  තේමාව වෙයි.
ජනතාව කේන්ද්‍ර කැර ගත්, ත්‍යාගශීලී සහ හිතකර සංකල්පයකට අනුගත වීම චීනයේ ස්ථාවරය බව ෂී ජින්පිං මහතා එහිදී ප්‍රකාශ කැර ඇත.. කෘත්‍රිම බුද්ධි තාක්ෂණය, පොදු සමෘද්ධිය ප්‍රවර්ධනය කරමින් පොදු ආරක්ෂාව තහවුරු කිරීමේ වැදගත් ගාමක බලවේගයක් බවට පත් කිරීමට උත්සාහ කළ යුතු බව ද ඔහු  පවසා ඇත.
ජනාධිපතිවරයා එහිදී සිව්වැදෑරුම් යෝජනා ඉදිරිපත් කැර  ඇති බව  Cyber World Press  සඳහාන් කරයි.

1-පළමුව, විවෘතභාවය හා පොදු ජයග්‍රහණයෙහි එල්බ සිටිමින් නවෝත්පාදන සංවර්ධනය ඉදිරියට ගෙන යා යුතුයි.

2-දෙවනුව අවදානම් පිළිබඳ අවබෝධය ශක්තිමත් කරමින් සුරක්ෂිතතාව හා පාලනය කිරීමේ හැකියාව සහතික කළ යුතුයි.

3-තෙවනුව අන්තර්කරණය හා ශිෂ්ටාචාර අතර අධ්‍යයනය දිරිමත් කළ යුතුයි.

4- සිව්වනුව, දුෂ්කරතාවන්ට එක්ව මුහුණ දෙමින් ගෝලීය කළමනාකරණය සාධනීය ප්‍ර‍වේශයකට යොමු කළ යුතුයි.

නිසි වගකීමකින් යුක්ත දැවැන්ත රටක් වශයෙන් චීනය, කෘත්‍රිම බුද්ධි තාක්ෂණ ක්ෂේත්‍රයේදී පොදු නිෂ්පාදන සැපයුම්කරුවෙකු ලෙසත්, ඵලදායී විසඳුම් ඉදිරිපත් කරන්නෙකු ලෙසත් කටයුතු කරන බව ද ෂී ජින්පිං ජනාධිපතිවරයා සඳහන් කළා. ඔහු ගෝලීය කෘත්‍රිම බුද්ධි සංවර්ධනයට සහාය වීම පිළිබඳ චීනයේ ප්‍රධාන පියවර ද ප්‍රකාශයට පත් කැර ඇත.
කසක්ථාන ජනාධිපති Kassym-Jomart Tokayev, කාම්බෝජ අගමැති Hun Manet, තායිලන්ත අගමැති Anutin Charnvirakul, එක්සත් ජාතීන්ගේ මහලේකම්  António Guterres යන මහත්වරු එම අවස්ථාවට එක් වෙමින් දේශන සිදු කළා. ඔවුන් ගෝලීය කෘත්‍රිම බුද්ධි කළමනාකරණය සඳහා චීනය සිදු කරන දායකත්වය අගයමින්, ෂී ජින්පිං ජනාධිපතිවරයා ඉදිරිපත් කළ යෝජනා හා පියවරයන්ට සක්‍රිය ප්‍රතිචාර දක්වා තිබේ.
අනතුරුව ‘2026 ලෝක කෘත්‍රිම බුද්ධි සමුළුව සහ ගෝලීය කෘත්‍රිම බුද්ධි කළමනාකරණය පිළිබඳ උසස් පෙළේ රැස්වීමේ සභාපතිවරයාගේ ප්‍රකාශය’ද නිකුත් කළ බව Cyber World Press  සඳහාන් කරයි.