පකිස්ථාන ඉස්ලාමීය ජනරජයේ මහ කොමසාරිස් කාර්යාලය සහ ශ්රී ලංකාවේ පකිස්ථාන ප්රජාව පසුගිය (14) වැනි දා පකිස්ථානයේ 79 වැනි නිදහස් දිනය ගැඹුරු ජාතික උද්යෝගයකින්, ගාම්භීරත්වයෙන් සහ ප්රගතිශීලී, ප්රජාතන්ත්රවාදී සහ සමෘද්ධිමත් ඉස්ලාමීය සුබසාධන රාජ්යයක් ගොඩනැගීම සඳහා නව කැපවීමකින් සමරනු ලැබීය.
මහ කොමසාරිස් මේජර් ජෙනරාල් (විශ්රාමික) ආචාර්ය නයාර් නසීර් මහතා විසින් ජාතික ධජය එසවීමත් සමඟ මහ කොමසාරිස් කාර්යාල පරිශ්රයේදී උත්සවය ආරම්භ විය. ජාතික ගීය වාදනය කිරීමෙන් පසු , පකිස්ථාන ජනාධිපතිවරයාගේ සහ අගමැතිවරයාගේ විශේෂ පණිවිඩ කියවීම මෙහි දී සිදු විය.
මෙහි ප්රධාන දේශනය පවත්වමින්, මහ කොමසාරිස් ආචාර්ය නයාර් නසීර් මහතා මෙසේ ද පැවසීය.
ජාතියේ පියා වන ක්වායිඩ්-ඉ-අසාම් මුහම්මද් අලි ජින්නා සහ පකිස්ථානයේ චින්තකයකු වන අල්ලාමා මුහම්මද් ඉක්බාල් මහතාට පොහොසත් උපහාරයක් පුද කරමින්, ආර්ථිකය, ක්රීඩා, ආරක්ෂක සහ තොරතුරු තාක්ෂණය හරහා දශක අටක ජාතික ඔරොත්තු දීමේ හැකියාව, ඇදහිල්ල සහ ප්රගතිය පිළිබිඹු කෙළේය. තම ජාතික ස්වෛරීභාවය සහ අත්යවශ්ය ජල සම්පත් ආරක්ෂා කිරීමට පාකිස්තානයේ අධිෂ්ඨානය නැවත තහවුරු කරමින්, ජම්මු සහ කාශ්මීර ආරවුල ඇතුළු කලාපීය ගැටලු, සංවාදය සහ රාජ්යතාන්ත්රිකභාවය තුළින් විසඳීමට සහ සාමකාමී සහජීවනයට කැපවී සිටින සාමකාමී ජාතියක් ලෙස පාකිස්තානය පවතින බව ඔහු අවධාරණය කෙළේය.
ශ්රී ලංකා-පකිස්ථාන නිදහස් වෙළෙඳ ගිවිසුම (FTA) යටතේ මෑත කාලීන ආයතනික ප්රගතිය ඉස්මතු කරමින්, ශ්රී ලංකා රජයට සහ ජනතාවට ඔවුන්ගේ කල් පවතින උණුසුම සඳහා මහ කොමසාරිස්වරයා ගැඹුරු කෘතඥතාව පළ කෙළේය. පන්ජාබ් සහ කරච්චි හි ශ්රී ලාංකික ව්යාපාර සහ මධ්යස්ථාන අතර කාර්මික කුඩා හා මධ්ය පරිමාණ ව්යාපාර සම්බන්ධතා හරහා වර්ධනය වන ද්විපාර්ශ්වික ගම්යතාව, මැණික් හා ස්වර්ණාභරණවල තාක්ෂණ හුවමාරුව, තේ, අන්නාසි සහ අලිගැට පේර වැනි කෘෂිකාර්මික අපනයන සඳහා වෙළෙඳ බාධක ඉවත් කිරීම සහ ශ්රී ලංකාවේ ඖෂධ අංශයේ පකිස්ථාන ව්යවසාය ආයෝජන පුළුල් කිරීම ඔහු සඳහන් කෙළේය. අපනයන සංවර්ධන මණ්ඩලය (EDB) සමඟ ඉදිරියේදී පැවැත්වීමට නියමිත ශ්රී ලංකා-පකිස්ථාන ව්යාපාරික සංසදයට සමගාමීව, අඛණ්ඩ සංස්කෘතික, අධ්යාපනික සහ ගන්ධාර බෞද්ධ සංචාරක මුලපිරීම් ද ඔහු අවධාරණය කෙළේය. පාකිස්තාන-ශ්රී ලංකා සම්බන්ධතාවය කාලානුරූපී, දිගුකාලීන සහ කොන්දේසි විරහිත බව නැවත තහවුරු කරමින්, උත්සවය අවසන් වූයේ ශ්රී ලාංකික සම්භාවනීය අමුත්තන්, රාජ්ය තාන්ත්රිකයින්, ව්යාපාරික නායකයින්, මාධ්ය සහ පකිස්ථාන ඩයස්පෝරාවේ මනා සහභාගීත්වයෙන් යුත් රැස්වීමකිනි.
සටහන – චන්දන විජේකෝන්
