විශ්රාමික මේජර් ජෙනරාල් අරුණ ජයසේකර දරන ආරක්ෂක නියෝජ්ය ඇමැති ධුරයට ආරක්ෂක අමාත්යාංශයේ ලේකම් විශ්රාමික එයාර් වයිස් මාර්ෂල් සම්පත් තුයියකොන්තා පත් කිරීමට යෝජනා වී ඇතැයි ආණ්ඩුවේ ආරංචි මාර්ග සඳහන් කරයි.
බලශක්ති ඇමැති ධුරයෙන් ඉවත් වූ කුමාර ජයකොඩි ඉදිරි දිනවල මන්ත්රී ධූරයෙන්ද ඉල්ලා අස්වීමට නියමිත බවත්, එසේ ඉල්ලා අස්වූ පසු තුයියකොන්තා එම පුරප්පාඩුවට පත් කෙරෙනු ඇතැයි වාර්තාවේ.
පාස්කු ඉරුදින ප්රහාරය සිදු වූ සමයේදී නැඟෙනහිර යුද හමුදාපති ආඥාපති ලෙස කටයුතු කළ අරුණ ජයසේකර ට එරෙහිව කාදිනල් මැල්කම් රංජිත් අගරදුගුරු හිමිපාණන් ඇතුළු විවිධ පාර්ශ්වවලින් දැඩි චෝදනා එල්ලවී ඇත. ආරක්ෂක නියෝජ්ය ඇමැති ධූරයේ සංශෝධනයට එයද ප්රධාන හේතුවක් වී තිබෙන බව දැනගන්නට ඇත.
අරුණ ජයසේකර ට විරුද්ධව විපක්ෂයේ මන්ත්රීවරුන් මීට පෙර විශ්වාස භංග යෝජනාවක් භාර දුන්නද තාක්ෂණික ගැටලුවක් හේතුවෙන් එය විවාදයට ගැනීම කතානායකවරයා ප්රතික්ෂේප කෙ ළේය.
ආරක්ෂක ලේකම් පුටුවට හිටපු යුද හමුදාපති දයා රත්නායක?
මේ අතර තුයියකොන්තා ඉවත් වීමෙන් පුරප්පාඩු වන ආරක්ෂක අමාත්යාංශයේ ලේකම් ධුරයට හිටපු යුද හමුදාපතිවරයකු වූ දයා රත්නායක පත් කෙරෙනු ඇතැයි සඳහාන් වේ.
වත්මන් ආරක්ෂක ලේකම් සම්පත් තුයියකොන්ත පාර්ලිමේන්තුවට පත්විම සඳහා ඉදිරි සතියේ ඉවත්වීමෙන් පසු දයා රත්නායක එම තනතුර සඳහා යෝජනා කැර තිබුණේ ආණ්ඩු පක්ෂයට හිතවත් පිරිසක් බව අනාවරණය වෙයි.
එහෙත් පවත්නා තත්ත්වය යටතේ ජනරාල් දයා රත්නායක එම තනතුර භාර ගැනීම ප්රතික්ෂේප කැර ඇති බව ද සඳහාන් වේ.
( lankalokaya ඇසුරෙන් -අසේල පෙරේරා )
