ඉරාන එල්ල කරන ප්‍රහාරවලින්  මැද­පෙ­ර­දිග කලා­පයේ පිහිටි අමෙ­රි­කානු  යුධ හමුදා කඳ­වු­රු­ ඇතුළු ගොඩ­නැ­ඟිලි සහ යටි­තල පහ­සු­කම් 90% ක් පමණ  සහ සිය ගණ­නක් ප්‍රහා­රක යානා ඇතුළු ගුව­න්යානා දුසිම් ගණ­නක් විනාශ වූ බව පෙන්ට­ග­නය පළ­මු­ව­රට හෙළි කැර ඇති බව Cyber World Press අනාවරණය කරයි.

පෙන්ට­ග­නයේ අධි­ක්ෂණ කාර්යා­ලය මඟින් නිකුත් කළ නිල  රහසිගත වාර්තා­ව­කට අනුව මේ වසරේ පෙබ­ර­වාරි 26 වැනිදා සිට ජූනි මස 30 දක්වා කාලය තුළ ඉරාන – අමෙ­රි­කා යුද්ධ­යෙන්  අමෙරිකානු හමු­දා­වට සිදුවූ හානිය පිළි­බඳ තොර­තුරු රැසක් අනා­ව­ර­ණය වී ඇති බව වි Cyber World Press අනාවරණය කරයි.

Cyber World Press අනාවරණය කැර ඇති අන්දමට මාස 4ක  පමණ කාලය ඇතු­ළත  යුද්ධය සඳහා අමෙ­රි­කානු රජය ඩොලර් බිලි­යන 33.4ක් වැය කැර ඇති බව සඳහාන් වෙයි.

එම කාලය ඇතු­ළත භාවිත කළ අධි තාක්ෂ­ණික අවි ආයුධ සහ මිස­යිල සඳහා පම­ණක් ඩොලර් බිලි­යන 22.5ක් වැය වී ඇති බවද වාර්තා වේ.

පසුගිය මස අගෝස්තු 13 වැනිදා වන විට සමස්ත යුද පිරි­වැය ඩොලර් බිලි­යන 42 ඉක්මවා ගිය බව පෙන්ට­ග­නය කොන්ග්‍රස් මණ්ඩ­ල­යට දැනුම් දී ඇත. එරට යුද විශ්ලේ­ෂ­ක­යන්ගේ අද­හස වී ඇත්තේ එම පිරි­වැය ඩොලර් බිලි­යන 100ක් පමණ විය හැකි බවයි.

මැද­පෙ­ර­දිග කලා­පයේ ඉරා­කය, කුවේට්, බහ­රේන්, කටාර්, එක්සත් අරාබි එමීර් රාජ්‍යය, සවුදි අරා­බිය, ඕමා­නය සහ ජෝර්දා­නය රට­වල පිහිටි අමෙ­රි­කානු හමුදා කඳ­වු­රු­ව­ලට එල්ල වූ ඉරාන ප්‍රහා­ර­ව­ලින් ගොඩ­නැ­ඟිලි සිය ගණ­නක් විනාශ වූ බව එම වාර්තාවේ සඳ­හන් කර ඇති අතර, F-15E වර්ගයේ ප්‍රහා­රක යානා 4ක්, KC-135 වර්ගයේ ඉන්ධන පිර­වුම් යානා 7කට සහ හෙලි­කො­ප්ටර් යානා 7කට හානි සිදුවී ඇතැයි එහි සඳ­හන් කැර තිබේ. ඉති­හා­සයේ පළ­මු­ව­රට F-35A වර්ගයේ නවී­න­තම යාන­යක් ද විනාශ වී ඇති අතර, E-3 Sentry අන­තුරු ඇඟ­වීමේ ගුව­න්යා­න­යක් ද ඉරාන ප්‍රහා­ර­ව­ලින් විනාශ වූ බව වාර්තා වේ. එම කලා­පයේ රට­වල් 4ක අමෙ­රි­කානු තානා­පති කාර්යා­ල­ව­ලට එල්ල වූ ප්‍රහා­ර­ව­ලින් ඩොලර් මිලි­යන 184ක පමණ හානි­යක් සිදුවී  තිබෙන බව වාර්තා වේ. MQ-4C Triton වර්ගයේ නිරී­ක්ෂණ යාන­යක් ඇතු­ළුව ඩ්‍රෝන 30කට වැඩි සංඛ්‍යා­වක් අහි­මිවූ බව ද පෙන්ට­ග­නයේ වාර්තාවේ සඳ­හන් වන බව Cyber World Press වැඩි­දු­ර­ටත් අනාවරණය කරයි.

මේ අතර යුද්ධය අව­සන් කිරිම සඳහා වන සාක­ච්ඡා­වල කොන්දේ­සි­යක් ලෙස අමෙ­රි­කානු හා ඊශ්‍රා­යල ප්‍රහා­ර­ව­ලින් සිදු වූ හානිය වෙනු­වෙන් වන්දි ගෙවිය යුතු බව ඉරාන රජය පසු­ගිය මාස­යේදී ප්‍රකාශ කැර ඇති බවත්, ඉරා­නයේ විනාශ වූ යටි­තල පහ­සු­කම් නැවත ගොඩනැඟීම සඳහා ඩොලර් බිලි­යන 270ක වන්දි­යක් අවශ්‍ය බවත් ඉරාන රජය ප්‍රකාශ කැර තිබේ. එසේ නොවන්නේ නම් අමෙරිකාවට සහ ඊහ්‍රායලයට බරපතළ වන්දි ගෙවීමට සුදු වන බව ඉරානය පවසා තිබේ.