Impartial news reporting for a stronger democratic society
අමෙ­රි­කා­වෙත් සරම්ප රෝගය හිස ඔස­වයි – මරණ සංඛ්‍යවත් ඉහළට

දශක දෙක­කට වැඩි කාල­ය­කට පසු අමෙ­රි­කා­ව තුළ  සරම්ප රෝගීන් දින පතා වැඩි වෙමින් පවතින බව වාර්තා වෙයි.

ලෝක සෞඛ්‍ය සංවි­ධා­න­යට අනු­බද්ධ පෑන් අමෙ­රි­කානු සෞඛ්‍ය සංවි­ධා­නය (PAHO) නිවේ­ද­නය කැර ඇත්තේ රට තුළ මාස 12කට වැඩි කාල­යක් එකම වර්ගයේ සරම්ප වෛරස ප්‍රභේ­ද­යක් අඛ­ණ්ඩව සම්ප්‍රේ­ෂ­ණය වීම ඊට හේතුවී ඇති බවය.

මේ වසර ඇතු­ළත පම­ණක් අමෙ­රි­කා­වෙන් සරම්ප රෝගීන් 5,400ක් සහ මරණ 10ක් වාර්තා වී ඇති අතර, එය 1990 දශ­ක­යෙන් පසු එර­ටින් වාර්තා වූ වැඩිම මරණ සංඛ්‍යාව ද වේ. අලුත උපන් බිළි­ඳුන් ඇතුළු අව­දා­නම් කණ්ඩා­යම් ආරක්ෂා කිරී­මට අවශ්‍ය ප්‍රති­ශ­ක්තිය 95% මට්ටමේ පැව­තිය යුතු­ වු­වත්, මේ වන විට අමෙ­රි­කාව පුරා සරම්ප, කම්මු­ල්ගාය සහ රුබෙල්ලා එන්න­ත්ක­රණ අනු­පා­තය 92.4% දක්වා පහත වැටී ඇතැයි එරට සෞඛ්‍ය විශේ­ෂ­ඥ­යන් පෙන්වා දී තිබේ.

විශේ­ෂ­යෙන් පෙන්සි­ල්වේ­නියා ප්‍රාන්තයේ පැතිර ගිය සරම්ප වසං­ග­තය පුද්ග­ල­යන් 1,400කට වැඩි පිරි­ස­කට ආසා­ද­නය වී ඇති අතර, ඉන් හත් දෙනෙකු ජීවි­ත­ක්ෂ­යට පත්වූ බව ද වාර්තා වේ.

අමෙ­රි­කා­වට අම­ත­රව මෙක්සි­කෝ­වට සහ බොලි­වි­යා­වට ද එම තත්ත්වය අහිමි වී ඇති අතර, බ්‍රිතා­න්‍යය, ස්පාඤ්ඤය, ඔස්ට්‍රි­යාව, රුසි­යාව, අස­ර්බ­යි­ජා­නය සහ උස්බෙ­කි­ස්තා­නය රට­ව­ලට ලැබී තිබූ සරම්ප රහිත තත්ත්වය ද මේ වසර මුලදී අහිමි වූ බව විදෙස් මාධ්‍ය සඳ­හන් කරයි.

Follow by Email
LinkedIn
Share
WhatsApp