මත්ද්‍රව්‍ය ජාවාරම, මිනිස් ජාවාරම සහ නියාමනය නොකළ මසුන් ඇල්ලීම ඇතුළු නීති විරෝධී ක්‍රියාකාරකම් මැඩපැවැත්වීම සඳහා ශ්‍රී ලංකාව තම යාත්‍රා අධීක්ෂණ පද්ධතිය (VMS) තවත් ධීවර යාත්‍රා 1,500ක් ආවරණය වන පරිදි පුළුල්  කිරීමට පියවර ගෙන තිබේ.

මෙම ඉතිරි යාත්‍රා සඳහා අධීක්ෂණ පද්ධති අනිවාර්ය කිරීමේ යෝජනාව මෙම සතියේ කැබිනට් මණ්ඩලය විසින් අනුමත  කළ අතර, ස්ථාපනය කිරීමේ පිරිවැය රජය  දරන බව  අනාවරණය වෙයි.

වර්තමානයේ, ශ්‍රී ලංකාවේ ලියාපදිංචි බහුදින ධීවර යාත්‍රා 5,200 න් 4,200 ක් ඕස්ට්‍රේලියානු රජයේ ප්‍රදානයකින් අරමුදල් සපයන VMS උපකරණ සමඟ සවි කැර ඇත.

2021 ජනවාරි මාසයෙන් පසු ලියාපදිංචි කළ යාත්‍රා නීත්‍යානුකූලව උපකරණ සඳහා ස්වයං අරමුදල් සැපයිය යුතු වුවද, පැරණි බහුදින සහ එක්දින යාත්‍රා 1,500 ක් පමණ දේශීය හා ජාත්‍යන්තර මුහුදු තීරයේ ලුහුබැඳීමකින් තොරව ක්‍රියාත්මක වේ.

මෙම ලුහුබැඳ නොයන යාත්‍රා 400 ක් දිග අඩි 34 ඉක්මවන බවත් ජාත්‍යන්තර මුහුදු තීරයෙන් තහනම් කැර ඇති බවත්, ඒවා නීති විරෝධී ක්‍රියාකාරකම් සඳහා නැවත භාවිතා කළ හැකි බවට ඇති බිය මතු කරන බවත් නිලධාරීන් සඳහන් කළහ.

ඉතිරි 1,100 දෙනාට දීර්ඝ මුහුදු ගමන් සඳහා එන්ජිම සහ ඉන්ධන ධාරිතාව නොමැති නමුත්, තවමත් සෝදිසි කිරීම් නොමැත.

නිශ්චිත යාත්‍රා තර්ජන ලෙස කලින් තීරණය කැර නොමැති වුවද, නීතිය ක්‍රියාත්මක කිරීම ඉලක්ක කරගත් බුද්ධි තොරතුරු මත ක්‍රියා කරන බව ද අනාවරණය වෙයි.

මෙම ව්‍යාප්තිය ජාත්‍යන්තර මුහුදේ ක්‍රියාත්මක වන සියලුම යාත්‍රා සඳහා අඛණ්ඩ අධීක්ෂණයක් නියම කරන ඉන්දියානු සාගර ටූනා කොමිසම විසින් නියම කරන ලද නීතිරීතිවලට අනුකූල වේ.