ඉරානයට එරෙහි යුද්ධය අවසන් බව අමෙරිකානු ජනාධිපති ඩොනල්ඩ් ට්රම්ප් එරට කොංග්රස් මණ්ඩලයට ලිඛිතව දැනුම් දී ඇතැයි විදෙස් මාධ්ය අනාවරණය කරයි.
යුද්ධයක් පවත්වාගෙන යෑම සඳහා කොංග්රසයේ අනුමැතිය ලබාගත යුතු දින 60ක කාලසීමාව අවසන් වීමත් සමඟ ඔහු එම ලිපිය යොමු කැැ ඇත.
වසර 1973 දී ස්ථාපිත කළ එරට යුද බලතල පනත යටතේ අමෙරිකාවට තර්ජනයක් එල්ල වන අවස්ථාවලදී හමුදාව යෙදවීමට ජනාධිපතිවරයාට හැකියාවක් පැවැතියද, යුද මෙහෙයුම් අඛණ්ඩව සිදු කිරිමට නම් දින 60ක් ඇතුළත කොංග්රසයේ අනුමැතිය ලබාගැනීම අනිවාර්ය වේ .
ඒ අනුව කොංග්රසයේ අනුමැතියකින් තොරව ජනාධිපතිවරයා පසුගිය පෙබරවාරි 28 වැනිදා ආරම්භ කළ ඉරාන එරෙහි යුද්ධයට පසුගිය 1 වැනිදා වන විට දින 60 සම්පූර්ණ වූ අතර, ට්රම්ප් කොංග්රසයට දැනුම් දී ඇත්තේ අමෙරිකාව සහ ඉරානය අතර සටන් විරාමය ප්රකාශයට පත්වීමත් සමඟය. එහෙත් යුද ගැටුම් නිමාවට පත්වූ බැවින් කොංග්රසයේ අනුමැතිය අවශ්ය නොවන බව විචාරකයන්ගේ මතය වී තිබේ. පසුගිය අප්රේල් මස 7 වැනිදා සිට අමෙරිකාව සහ ඉරානය අතර කිසිදු යුද ගැටුමක් සිදුනොවූ බවද කොංග්රසයේ කථානායක මයික් ජොන්සන්ට සහ සෙනෙට් සභාවේ සභාපති චක් ගැසලිට යොමු කැර ඇති ලිපියේ වැඩිදුරටත් සඳහන් වී තිබේ. කෙසේ වුවත් අරාබි මුහුදේ හමුදාව රඳවා තැබීම සහ ඉරාන වරායන් අවහිර කිරීම සඳහා ජනාධිපතිවරයාට කොංග්රසයේ අනුමැතිය අවශ්ය නොවන බැවින් ඉරාන ආර්ථිකය අඩපණ කිරීම තවදුරටත් සිදුවනු ඇතැයි අනාවරණය වෙයි.
මේ දක්වා පැවති යුද්ධයෙන් අමෙරිකාව කැපී පෙනෙන සාර්ථකත්වයක් ලැබුව ද, ස්ථීර සාමයක් අත්කර ගැනීම සඳහා අඛණ්ඩව උත්සාහ කළ යුතු බව ඔහු කොංග්රසයට දැනුම් දී ඇති අතර, අමෙරිකානු ජනතාවට සහ හමුදාවට ඉරානයෙන් එල්ල වන තර්ජනය තවදුරටත් පවතින බව ද දැනුම් දී තිබේ. බාහිර තර්ජනවලින් අමෙරිකාව ආරක්ෂා කිරීම ජනාධිපතිවරයා ලෙස තම වගකීම බවත්, ඔහු කොංග්රසයට පෙන්වා දී ඇත. සිය ලිපිය යොමු කිරීමෙන් පසු වාර්තාකරුවන් ඇමතු ජනාධිපතිවරයා සඳහන් කර ඇත්තේ ඉරාන යුද්ධය තවදුරටත් පවත්වාගෙන යෑමට කොංග්රසයේ අනුමැතිය ලබා ගැනීමට කිසිදු අදහසක් නැති බවයි. අමෙරිකාවේ යුද බලතල පනත ව්යවස්ථා විරෝධී බවට ඔහු බරපතළ විචේචනයක් ද එල්ල කැර ඇති බව සඳහාන්ය. ( දිනමිණ ඇසුරෙන්)
