බටහිර ඉවුරේ ඊශ්රායල ජනාවාසවලට එරෙහිව බ්රිතාන්ය රජය පනවනු ලැබූ සම්බාධකවලට ප්රතිචාර දක්වමින් ජෙරුසලමේ පිහිටි බ්රිතාන්යය කොන්සියුලර් කාර්යාලය වසා දැමීමට තීරණය කළ බව ඊශ්රායල විදේශ ඇමැති ගිඩියොන් සාර් ප්රකාශ කැර තිබේ.
දින 30ක් ඇතුළත කොන්සියුලර් කාර්යාලය වසා දමන ලෙස ඊශ්රායලය බ්රිතාන්යයට දැනුම් දී ඇතැයි වාර්තා වේ. ඊට අමතරව බ්රිතාන්ය පාර්ලිමේන්තුවේ මන්ත්රීවරු 12 දෙනකුට ඊශ්රායලයට ඇතුළුවිම ද තහනම් කිරීමට පියවර ගත් බව ඊශ්රායල විදේශ ඇමැතිවරයා වැඩිදුරටත් සඳහන් කර ඇතැයි විදෙස් මාධ්ය වාර්තා කරයි.
ඔහු එය හඳුන්වා ඇත්තේ බ්රිතාන්ය රජයට එරෙහිව සිදු කරන ප්රතිචාරයක් බවය. අමෙරිකාවේ මූලිකත්වයෙන් ගාසා තීරයේ ක්රියාත්මක වන සම්බන්ධීකරණ මෙහෙයුමට සහභාගි වීමට බ්රිතාන්යයට තවදුරටත් ඉඩ නොදෙන බවත් ඊශ්රායල විදේශ ඇමැතිවරයා තර්ජනය කැර තිබේ. එමෙන්ම ඊශ්රායලයට එරෙහිව කටයුතු කරන හෝ ඒ සඳහා සූදානම් වන වෙනත් රටවලට එරෙහිව ද එවැනි ප්රතිචාර දක්වන බවත් ඔහු අනතුරු අඟවා තිබේ. ඊශ්රායලයට එරෙහිව කටයුතු කරන ඕනෑම රටකට එරෙහිව ඊශ්රායලයත් දැඩි පියවර ගන්නා බව විදේශ ඇමැති ගිඩියොන් සාර් සඳහන් කැර තිබේ.
