ඉරානය සමඟ නව සාකච්ඡා වටයක් පැවැත්වෙන බවට අමෙරිකානු ජනාධිපති ඩොනල්ඩ් ට්රම්ප් කළ ප්රකාශය ප්රතික්ෂේප කරන බවත්, ඔහු ලොව ප්රකට බෙගල්කරුවකු බවත් ඉරානය අවධාරණය කරයි.
දෙපාර්ශ්වය අතර සාකච්ඡාව ඊයේ(03) ආරම්භවීමට නියමිත බවට වාර්තාකරුවන් හමුවේ ට්රම්ප් ප්රකාශ කළ ද, අමෙරිකාව සමඟ කිසිදු සාකච්ඡාවක නිරත නොවන බව ඉරාන විදේශ අමාත්යාංශයේ ප්රකාශක ඉස්මයිල් බගායි සඳහන් කැර තිබේ.
පසුගිය සතියේදී ඊශ්රායලය සමඟ එක්ව ඉරානයට දැවැන්ත ප්රහාරයක් එල්ල කිරීමට සැලසුම් කළ බවත්, සවුදි අරාබිය ඇතුළු ගල්ෆ් කලාපයේ රටවල ඉල්ලීම මත එම ප්රහාරය අත්හිටුවූ බවත් ට්රම්ප් යළි සඳහන් කැර ඇතැයි වාර්තා වේ.
මැදපෙරදිග කලාපයේ ගැටුම් උග්රවීම සහ අස්ථාවරත්වය පිළිබඳ චීනය ඇතුළු මිත්ර පාක්ෂික රටවල් රැසක අවධානය යොමුවී ඇතැයි ඉරාන විදේශ අමාත්යාංශය ප්රකාශ කැර ඇති අතර, සිය රාජ්යතාන්ත්රිකභාවය භාවිත කරමින් ගැටුම් සමථයකට පත් කිරීමට චීනය උත්සාහ කරමින් සිටින බව ද සඳහන් කැර තිබේ. එහෙත් අමෙරිකාව සහ ඉරානය අතර සාකච්ඡාවලට චීනය සම්බන්ධ නොවන බවත්, පාකිස්ථානය මැදිහත්කරුවකු ලෙස කටයුතු කරන බවත් ඉරාන විදේශ අමාත්යාංශයේ ප්රකාශක ඉස්මයිල් බගායි ප්රකාශ කැර තිබේ. අවශ්ය අවස්ථාවලදී කටාර් රාජ්යය ද ඒ සඳහා සහය ලබා දෙන බව ද ඔහු සඳහන් කැර තිබේ.
