ඉරාන විදේශ ඇමැති අබ්බාස් අරග්චි

——————————————–

ඉරානයට එරෙහිව  ගෙන යන යුද්ධය අව­සන් කිරී­මටත් හෝමූස් සමුද්‍ර සන්ධිය නැවත විවෘත කිරි­මටත් අමෙ­රි­කාව ඉදි­රි­පත් කළ යෝජ­නා මේ වන  සලකා බල­මින් සිටින බව ඉරාන විදේශ ඇමැති අබ්බාස් අරග්චි ප්‍රකාශ කැර ඇති බව ටෙහේරානයේ සිටින Cyber World Press විශේෂ නියෝජිත සඳහාන් කරයි.

වඩාත් පුළුල්ව සහ විනි­වි­ද­භා­ව­ය­කින් යුතුව ඉරා­නය සමඟ කරුණු 14කින් යුතු අව­බෝ­ධතා ගිවි­සු­මක් අත්සන් කිරිම සඳහා කාලය උදා වී ඇතැයි ධවල මන්දි­රය ප්‍රකාශ කැර ඇති බව අනාවරණය වෙයි.

ඉරාන නියෝ­ජි­ත­යන් සමඟ සාර්ථ­කව සාකච්ඡා පැවැ­ත්වෙන බවට අමෙ­රි­කානු ජනා­ධි­පති ඩොනල්ඩ් ට්‍රම්ප්  පසුගිය දා නිකුත් කළ ප්‍රකා­ශය ඉරා­නය ද තහ­වුරු කැර ඇති බව සඳහාන්ය. ඉරාන විදේශ ඇමැ­ති­ව­රයා සඳ­හන් කැර ඇත්තේ සිය අද­හස් සහ යෝජනා පකි­ස්තාන මැදි­හ­ත්ක­රු­වන් වෙත කඩි­න­මින් දැනුම් දීමට අද­හස් කරන බවයි. කෙසේ වෙතත් න්‍යෂ්ටික වැඩ­ස­ට­හන අත්හැ­රිම හෝ අත්හි­ටු­වීම සම්බ­න්ධව ඩොනල්ඩ් ට්‍රම්ප් ඉදි­රි­පත් කැර ඇති යෝජ­නා­වට ඉරා­නයේ එක­ඟ­තාව පළ නොවනු ඇති බවත්, හෝමූස් සමුද්‍ර සන්ධිය වෙළෙඳ නෞකා­ව­ලට නැවත විවෘත කිරි­මට පෙර ඉරාන වරා­යන් ඉලක්ක කර­ගත් අමෙ­රි­කානු නාවික හමු­දාවේ අව­හි­රතා ඉවත් කළ යුතු බවට ප්‍රකාශ කැර ඇති බව අනාවරණය වෙයි.

ඉරාන රජය සමඟ ගිවි­සු­ම්ගත වීම සඳහා යළි සාකච්ඡා පැවැ­ත්වීමේ ඉඩ­කඩ මතුවී ඇති බැවින්, හෝමූස් සමුද්‍ර සන්ධිය අවට සිරවූ වෙළෙඳ නෞකා නිද­හස් කිරි­මට සහාය ලබා දීමට ආරම්භ කළ ‘ප්‍රොජෙක්ට් ෆ්‍රීඩම්‘ මෙහෙ­යුම තාව­කා­ලි­කව අත්හි­ටුවූ බව අමෙ­රි­කානු ජනා­ධි­ප­ති­ව­රයා පෙරේදා (07) ප්‍රකාශ කළ අතර, ඉරාන වරා­යන් අව­හිර කිරීම අඛ­ණ්ඩව සිදු කරන බව ද සඳ­හන් කැර තිබේ.

 ප්‍රොජෙක්ට් ෆ්‍රීඩම් මෙහෙ­යුම ආරම්භ කිරී­මෙන් පැය 50කට පසුව අත්හි­ටු­වී­මට තීර­ණය කැර ඇත්තේ පකි­ස්තාන රජයේ ඉල්ලීම මත බව ද ඩොනල්ඩ් ට්‍රම්ප් සඳ­හන් කැර ඇත. ප්‍රොජෙක්ට් ෆ්‍රීඩම් මෙහෙ­යු­මට ඉරාන ආර­ක්ෂක හමු­දා­වෙන් දැඩි අන­තුරු ඇඟ­වීම් නිකුත් කැර තිබූ අතර, වෙළෙඳ නෞකා­ව­ලට ආර­ක්ෂාව සැප­යී­මට හෝමූස් මුහුදු තීර­යට ඇතු­ළු­ වන ඕනෑම අමෙ­රි­කානු නෞකා­ව­කට පහර දෙන බව නිවේ­ද­නය කැර තිබිණි.

මෙහෙ­යුම අත­ර­තු­රදී ඉරාන ආර­ක්ෂක හමු­දාවේ අණ නොතකා හෝමූස් සමුද්‍ර සන්ධිය තර­ණය කිරී­මට උත්සාහ කළ නෞකා දෙක­කට සහ අමෙ­රි­කානු යාත්‍රා­ව­කට පහර දුන් බව ඉරාන ආර­ක්ෂක හමු­දාව නිවේ­ද­නය කළ අතර, සිය යාත්‍රා­ව­කට පහර දුන් බවට නිකුත් කළ නිවේ­ද­නය අමෙ­රි­කානු මධ්‍යම හමුදා අණ­දෙන මධ්‍ය­ස්ථා­නය පසුව ප්‍රති­ක්ෂේප කැර තිබිණි. එහෙත් විදේශ මාධ්‍ය සඳහාන් කෙළේ  ඉරානයේ මිසයිල අමෙරිකානු නෞකා මතට පතිතවන බව දුටු බවයි.