ඉරානයෙන් පිටවන සහ ඇතුළුවන සියලු නෞකා අමෙරිකානු නාවික හමුදාවෙන් අවහිර කිරීම වගකීම් විරහිත සහ අතිශය බරපතළ සිදුවීමක් බව චීන විදේශ අමාත්යාංශය ප්රකාශ කැර ඇතැයි විදෙස් මාධ්ය සඳහාන් කරයි.
අමෙරිකාව සහ ඉරානය අතර පවතින සටන් විරාමය ඉන් තවදුරටත් අවදානමට ලක්වනු ඇතැයි ද චීන විදේශ අමාත්යාංශය සඳහන් කැර තිබේ. ඉරානයට සිය න්යෂ්ටික අරමුණු අත්හැරීමට සහ හෝමූස් මුහුදු තීරය නිදහස් කිරීමට බල කිරීමේ අරමුණින් එරට වරායන් අවහිර කිරිමට පියවර ගත් බව අමෙරිකානු ජනාධිපතිවරයා ප්රකාශ කැර තිබූ අතර, එම අවහිරතාව හේතුවෙන් ඉරානයෙන් වැඩිම බොරතෙල් ප්රමාණයක් මිලදී ගන්නා චීනය හෝමූස් විවෘත කිරිම සඳහා ඉරානයට බලපෑම් කරනු ඇතැයි අමෙරිකාවේ විශ්වාසය වූ බව ද සඳහාන් වේ.
එසේ වුවද ඉදිරි සති කිහිපය ඇතුළත ඉරානයට නව ගුවන් ආරක්ෂණ පද්ධති සැපයීමට චීනයේ සූදානමක් පවතින බවට එරට බුද්ධි අංශ සැක පහළ කර ඇතැයි අමෙරිකානු මාධ්ය සඳහාන් කරයි. එය අමෙරිකාව සහ ඉරානය අතර පවතින අවිනිශ්චිත සටන් විරාමය තවදුරටත් අවදානමට ලක් කිරිමක් බව ද විදෙස් මාධ්ය සඳහන් කරයි.(දිනමිණ ඇසුරෙන්)
