තලවකැලේ තවලන්තැන්න හරහා කොත්මලේ මාර්ගයේ පාලුවත්ත ප්‍රදේශය මීටර් 100ක පමණ කොටසක් නායයෑමට ලක්වී තිබේ.
එම නිසා සහන කණ්ඩායම්වලට කොත්මලේ ප්‍රදේශයට යෑමට මේ දක්වා නොහැකි තත්ත්වයක් උද්ගත වී තිබෙන බව අනාවරණය වෙයි.
පසුගිය දිනවල කොත්මලේ ප්‍රදේශයට ඇදහැළුණු අධික වර්ෂාවත් සමඟ එම මාර්ගය නායගිය ගොස් ඇති බවත්, එම නායගිය ස්ථානයට නොදුරින් පිහිටි රම්බොඩගම නායයෑමට ලක්වී ඇති බවත් කොත්මලේ පාලුවත්ත ප්‍රදේශයේ පදිංචිකරුවන් සඳහන් කරයි.
එමෙන්ම පාලුවත්ත ප්‍රදේශයේ පවුල් 100කට අධික ජනතාවක් නායයෑමේ අවදානමකට ලක්වී ඇති බවත් දැනටමත් තම නිවෙස්වල බිත්ති පුපුරා ඉඩම් ඉරිතලා ඇති බවද අනාවරණය වෙයි.