ගංවතුරෙන් සහ නායයෑම්වලින් ආපදාවන්ට පත් වූ ශ්‍රී ලාංකික ජනතාවට  සහාය දීම සඳහා   පාකිස්ථාන නාවික හමුදා නෞකාවක් (PNS) දැනටමත් මානුෂීය මෙහෙයුම් ආරම්භ කැර ඇති අතර, එහි ඇති  හෙලිකොප්ටරය ශ්‍රී ලංකා හමුදා සමඟ සම්බන්ධීකරණයෙන් සහන සහ ගලවා ගැනීමේ මෙහෙයුම් සඳහා ක්‍රියාකාරීව සහභාගී වන බව ආරක්ෂක අංශ  සඳහාන් කරයි.

පකිස්ථාන රජයේ නියෝග යටතේ සහ ශ්‍රී ලංකාවේ පකිස්ථාන මහ කොමසාරිස් කාර්යාලයේ සහාය ඇතිව, පකිස්ථාන සන්නද්ධ හමුදා සහ NDMA  නාගරික සෙවුම් සහ මුදාගැනීමේ (USAR) කණ්ඩායම, අංග සම්පූර්ණ ක්ෂේත්‍ර රෝහල් සහ ආසන්න වශයෙන් ටොන් 100 ක සහනාධාර ප්‍රවාහනය කිරීම සඳහා C-130 මානුෂීය ගුවන් ගමන් මාලාවක්  මේ වන විටත් සංවිධානය කැර ඇත. මෙම ගුවන් ගමන් නූර් ඛාන් ගුවන් කඳවුරෙන් (NKB) කොළඹ බලා  මේ වන විටත් පිටත්  වී තිබේ.

සහන තොගයට ගලවා ගැනීමේ බෝට්ටු, ජලය ඉවත් කිරීමේ පොම්ප, ජීවිතාරක්ෂක ජැකට්, නැවත ආරෝපණය කළ හැකි ලාම්පු, පවුල් කූඩාරම්, බ්ලැන්කට්, ඇඳ ඇතිරිලි, බුබුලු පැදුරු, මදුරු දැල්, ළදරු කිරි, ආහාර සැපයුම් සහ තීරණාත්මක ඖෂධ මෙන්ම  ගලවාගැනීමේ කටයුතු සඳහා පුහුණු කළ සුනඛයන් ද  අත්‍යවශ්‍ය ජීවිතාරක්ෂක සහ ආධාරක  මෙයට ඇතුළත් වේ.

කොළඹ පාකිස්තාන මහ කොමසාරිස් කාර්යාලය, ශ්‍රී ලංකා රජයට සිය පූර්ණ සහයෝගය අඛණ්ඩව ලබා දෙන අතර මෑත කාලීන සුළි කුණාටු ගංවතුරට ප්‍රතිචාර වශයෙන් පාකිස්තානයේ සහයෝගීතා ප්‍රයත්නයන්හි කොටසක් ලෙස ශ්‍රී ලංකා විදේශ කටයුතු අමාත්‍යාංශය සමඟ සමීප සම්බන්ධීකරණයක් පවත්වාගෙන යයි. අභියෝග සහ සාර්ථකත්වයේ කාලවලදී පාකිස්තානය සහ ශ්‍රී ලංකාව සදාකාලික මිත්‍රත්වයකින් එක්සත් කරන පුරාණ මිත්‍රත්ව බැඳීම් මෙම උත්සාහයන් මගින් යළිත් අවධාරණය  කරයි.

චන්දන විජේකෝන්

විසින්