මෙතැම්පටමයින් හෙවත් ” අයිස් ” මත්ද්රව්ය තොගයක් මෙරටට ගෙනවිත් කටුනායක ගුවන් තොටුපොළෙන් පිට කැර ගෙන යමින් සිටි ශ්රී ලාංකික ගුවන් මගියකු අද (29/09/ 26) රාත්රීයේ ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් අත් අඩංගුවට ගෙන ඇත.
රුපියල් කෝටි 08කට අධික වටිනාකමකින් යුත් මෙම ” අයිස් ” මත්ද්රව්ය තොගය ශ්රී ලංකාවට ගෙනවිත් ඇත්තේ
රත්මලාන , ජයමාවත ප්රදේශයේ පදිංචි 34 හැවිරිදි සැකකරු ව්යාපාරිකයෙකි.
ඔහු ඕමානයෙන් මෙම මත්ද්රව්ය තොගය රැගෙන , කටාර් රාජ්යයේ දෝහා වෙත පැමිණ , එතැන් සිට කටාර් ගුවන් සේවයේ කිව්.ආර්.- 654 දරන ගුවන් යානයෙන් 29 වැනි දින රාත්රී 07.30 ට කටුනායක ගුවන් තොටුපොළ වෙත පැමිණ තිබුණි .
මෙම ” අයිස් ” මත්ද්රව්ය කිලෝ ග්රෑම් 03 ග්රෑම් 994 ක ප්රමාණය , පාර්සල් 10 ක් ලෙස සකස් කැර , ඔහු රැගෙන ආ ගමන් මල්ල තුළ වූ බිස්කට් සහ චොකලට් අඩංගු පෙට්ටි තුළ සූක්ෂම ලෙස සගවා ගෙන තිබුණි .
කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීවරුන්ගේ පෞද්ගලික ඔත්තුකරුවකු ලබා දුන් තොරතුරු මත , මෙම ගුවන් මගියා , ගුවන් තොටුපොළ තුළ දී හදුනා ගෙන , අත්අඩංගුවට ගැනීම සිදු කැර ඇති බව අනාවරණය වෙයි.
