යුද ගැටුම් අවසන් කිරීමටත්, හෝමූස් සමුද්ර සන්ධිය නැවත විවෘත කිරීමටත් අමෙරිකාව සහ ඉරානය ගිවිසුම්ගත වීමට නියමිත බවත්, ඊට අදාළ අවබෝධතා ගිවිසුම ස්ව්ස්සර්ලන්තයේදී අත්සන් කිරීමට නියමිත බව විදෙස් මාධ්ය වාර්තා කරයි.
පසුගිය දා ටෘත් සමාජ මාධ්ය ජාලයේ සටහනක් තැබූ අමෙරිකානු ජනාධිපති ඩොනල්ඩ් ට්රම්ප් දෙපාර්ශ්වය අතර ගිවිසුමට අද (15) අත්සන් තැබීමට නියමිතව බව ප්රකාශ කළද, ගිවිසුමට අත්සන් තැබීම තව දින කිහිපයකින් පසු සිදුවනු ඇතැයි ඉරාන විදේශ ඇමැති අබ්බාස් අරග්චි ප්රකාශ කළ බව විදෙස් මාධ්ය වැඩිදුරටත් වාර්තා කරයි. කෙසේ වුවත් පෙරේදා (14) රාත්රිය වනතුරු ගිවිසුම සම්බන්ධව අවසන් තීන්දුවක් නිල වශයෙන් ප්රකාශයට පත් නොවූ බව ද වාර්තා වේ.
අමෙරිකාව සමඟ ඇති කැර ගැනීමට නියමිත ගිවිසුම සම්බන්ධව මෙතෙක් අවසන් තීන්දුවකට පැමිණ නැතැයි ඉරාන මාධ්ය තහවුරු කැර ඇති අතර, ගිවිසුම සම්බන්ධ කටයුතු අවසන් කිරීමට ඉරාන රජයට සහාය වීම සඳහා කටාර් රාජ්යයේ නියෝජිතයන් පිරිසක් පෙරේදා වන විට ඉරානයට ගොස් සිටි බව අල් ජසීරා පුවත් සේවය වාර්තා කළ බව cyber world Press සඳහාන් කරයි.
කෙසේ වෙතත් පෙරේදා ටෘත් සමාජ මාධ්ය ජාලයේ නිවේදනයක් නිකුත් කරමින් ඩොනල්ඩ් ට්රම්ප් සඳහන් කැර ඇත්තේ, ගිවිසුම අත්සන් තැබීමත් සමඟ හෝමූස් සමුද්ර සන්ධිය සම්පූර්ණයෙන්ම විවෘත වන බවයි. ඉරානය සතු න්යෂ්ටික වැඩසටහන සඳහා භාවිත කරන යුරේනියම් සහ අනෙකුත් උපකරණ අමෙරිකාව සතුවනු ඇතැයි ද ට්රම්ප් සිය නිවේදනයේ සඳහන් කැර තිබේ.
