අමෙරිකා – ඉරාන සාම සාකච්ඡාවල ආකෘතිය තවමත් අවිනිශ්චිත බව දේශපාලන විශ්ලේෂකයන් අනාවරණය කරයි.
එම ක්රියාවලියට අදාළ සමීප මූලාශ්රයක් අද (11) චීනයේ ෂින්හුවා මාධ්ය ආයතනය අනාවරණය කැර තිබේ.
ෂින්හුවා සමඟ දුරකථන සම්මුඛ සාකච්ඡාවකදී අදාළ මූලාශ්රය පැවසුවේ, මුහුණට මුහුණ සාකච්ඡා සහ වෙන් වෙන් ස්ථානවල පැවැත්වෙන සාකච්ඡා ඇතුළුව සාකච්ඡා සඳහා බහුවිධ විධිවිධාන සකස් කර ඇති බවයි.
පාර්ශ්ව අතර සෘජු සාකච්ඡා සඳහා පහසුකම් සැලසීමට හෝ ඔවුන්ගේ නියෝජිතයන් සඳහා වෙනම ස්ථාන සකස් කිරීමට සහ ඔවුන් අතර පණිවිඩ ලබා දීමට ඉස්ලාමාබාද් සූදානම් බව මූලාශ්රය පැවසීය.
අල් ජසීරා පුවත් වාර්තා කෙළේ අමෙරිකාව සහ ඉරාන නියෝජිතයන් ඉස්ලාමාබාද්හි එකම හෝටලයක නවාතැන් ගැනීමට අපේක්ෂා කළත්, ඔවුන් මුහුණට මුහුණ සාකච්ඡා නොපවත්වන බවය. ඒ වෙනුවට, ඔවුන් වෙනම කාමරවල රැඳී සිටින අතර පාකිස්ථාන නිලධාරීන් ඔවුන් අතර පණිවිඩ ලබා දෙනු ඇත.
මෙම සතිය මුලදී, පාකිස්ථාන නියෝජ්ය අගමැති සහ විදේශ ඇමැති Ishaq Dar සෙනෙට් සභාවට පැවසුවේ, ඇමරිකාව සහ ඉරානය ඔවුන්ගේ ගැටලු විසඳීම සඳහා ඉස්ලාමාබාද්හි “එකට වාඩිවීමට” උපකාර කිරීම පාකිස්ථානයේ කාර්යභාරය බවත්, නමුත් පාකිස්ථානය දෙපාර්ශ්වයටම බලපෑම් කිරීමට උත්සාහ නොකරන බවත්ය.
