මියාමි හි පසුගිය සිකුරාදා (27) පැවැති ආයෝජන සංසදයක රැස්විමක් අමතා අමෙරිකා එක්සත් ජනපද ජනාධිපති ඩොනල්ඩ් ට්රම්ප් “ඊළඟට කියුබාව” යැයි ප්රකාශ කළ අතර, එහිදී ඔහු වෙනිසියුලාවේ සහ ඉරානයේ එක්සත් ජනපද හමුදා ක්රියාමාර්ගවල සාර්ථකත්වයන් ගැන කතා කෙළේය.
ජනාධිපතිවරයා දූපත් ජාතිය සමඟ ඔහු හරියටම කුමක් කිරීමට සැලසුම් කරන්නේද යන්න නිශ්චිතව සඳහන් නොකළද, දැඩි ආර්ථික අර්බුදයකට මුහුණ දී සිටින හවානාහි රජය බිඳවැටීමේ අද්දර සිටින බව ඔහු නිතර පවසා තිබේ.
ඔහුගේ පරිපාලනය මෑත සතිවල කියුබාවේ නායකත්වයේ අංග සමඟ සාකච්ඡා ආරම්භ කැර ඇති අතර, ට්රම්ප් විසින්ම චාලක ක්රියාමාර්ග ගත හැකි බවට ඉඟි කැර ඇත.
“මම මේ ශ්රේෂ්ඨ හමුදාව ගොඩනඟා ගත්තා. මම කිව්වා, ‘ඔබට එය කිසි විටෙකත් භාවිතා කිරීමට සිදු නොවනු ඇත‘ කියලා. නමුත් සමහර විට ඔබට එය භාවිතා කිරීමට සිදුවේ. ඒ වගේම කියුබාව ඊළඟට සිටින්නේ,” ට්රම්ප් සිකුරාදා පැවැති සමුළුවට පැවසීය.
“නමුත් මම එහෙම කිව්වේ නැහැ කියලා මවාපාන්න. මම එහෙම කළේ නැහැ කියලා මවාපාන්න.”
කියුබානු ජනාධිපති මිගෙල් ඩයස්-කැනෙල් පිළිගෙන ඇත්තේ, විභව මිලිටරි ගැටුමක් වළක්වා ගැනීම සඳහා රට එක්සත් ජනපදය සමඟ සාකච්ඡා කරමින් සිටින බවයි. කියුබාවේ ආර්ථිකය තෙල් ආනයනයේ බාධා හේතුවෙන් පීඩාවට පත්ව ඇති අතර, එය බලාගාර සහ ප්රවාහනය පවත්වාගෙන යෑම සඳහා රඳා පවතී.
ජනවාරි මාසයේදී බලයෙන් පහ කරන ලද වෙනිසියුලානු නායක නිකොලස් මධුරෝ අල්ලා ගැනීමේ එක්සත් ජනපද මෙහෙයුමට පෙර, වෙනිසියුලාව කියුබාවේ තෙල් අවශ්යතාවයන්ගෙන් වැඩි ප්රමාණයක් සපයා තිබුණද, වොෂින්ටනයේ පීඩනය යටතේ කැරකස්හි නව රජය එම නැව්ගත කිරීම් අවසන් කැර තිබේ.
මාර්තු මාසයේ මුලදී, ට්රම්ප් කියුබාව “මිත්රශීලී අත්පත් කර ගැනීමකට” යටත් විය හැකි බව පවසා, “එය මිත්රශීලී අත්පත් කර ගැනීමක් නොවිය හැකිය” යනුවෙන් සඳහාන් කළේය.
(රොයිටර්)
