අමෙරිකාව සහ ඊශ්රායලය එක්ව ඉරානයට එරෙහිව ගෙන යන යුද්ධය හේතු කොට ගෙන මැදපෙරදිග කලාපයේ උද්ගත වී ඇති යුදමය තත්ත්වය සමථයකට පත් කිරිම සඳහා කලාපීය ආරක්ෂක රාමුවක් සකස් කිරිමට ඉරාන ජනාධිපති මසූඩ් පෙසෂ්කියන් ඉන්දීය අගමැති නරේන්ද්ර මෝදිට යෝජනා කැර ඇතැයි විදෙස් මාධ්ය සඳහාන් කරයි.
ඉන්දීය අගමැතිවරයා වත්මන් සභාපතිත්වය දරන බ්රික්ස් සංවිධානයට මේ ගැටුම් විසඳීම සඳහා වැදගත් භූමිකාවක් ඉටු කළ හැකි බව ද ඉරාන ජනාධිපතිවරයා පෙන්වා දී ඇතැයි අනාවරණය වෙයි.
යුද අර්බුදය මධ්යයේ නරේන්ද්ර මෝදි සමඟ දුරකතන සංවාදයක නිරත වූ ඉරාන ජනාධිපතිවරයා මේ යෝජනාව ඉදිරිපත් කැර ඇති අතර, ඊට ප්රතිචාර දක්වමින් ඉන්දීය අගමැතිවරයා තීරණාත්මක යටිතල පහසුකම්වලට එල්ල වන ප්රහාර හෙළා දකිමින් ජාත්යන්තර නැව් මාර්ගය සුරක්ෂිත කිරීමේ වැදගත්කම අවධාරණය කැර ඇතැයි සඳහාන් වේ.
ඉන්දියාවේ ඉරාන තානාපති කාර්යාලය, උපුටා දක්වමින් රොයිටර් පුවත් සේවය සහ Cyber World Press සඳහන් කර ඇත්තේ අමෙරිකාව සහ ඊශ්රායලය ඉරානයට එරෙහිව ආරම්භ කළ යුද ප්රහාර නැවැත්වීමට සහ නැවත එවැනි ප්රහාර සිදු නොවන බවට සහතික විය යුතු බවයි. බටහිර ආසියාවේ මැදපෙරදිග රටවලින් සමන්විත ආරක්ෂක රාමුවක් ඔහු යෝජනා කැර ඇති අතර, ඒ සඳහා බ්රික්ස් සංවිධානය හරහා මැදිහත් වන ලෙස ඉරාන ජනාධිපතිවරයා නරේන්ද්ර මෝදිගෙන් ඉල්ලා සිටි බව අනාවරණය වේ.
