විපක්ෂයේ දේශපාලන පක්ෂ එක්ව නව එක්සත් පෙරමුණක් පිහිටුවීමට කටයුතු කරමින් සිටින බවත්, ඉදිරි දිනවලදී විධිමත් ලෙස ගිවිසුමක් අත්සන් කිරීමට නියමිත බව හිටපු ඇමැති මහාචාර්ය ජී.එල්. පීරිස් පැවසීය.
පොදු ජාතික අරමුණු සාක්ෂාත් කැර ගැනීම සඳහා එක්ව කටයුතු කිරීමට එකඟ වන ශ්රී ලංකාවේ සියලුම විපක්ෂ කණ්ඩායම් සමඟ පොදු එකඟතාවයක් ඇති කිරීම සඳහා අවශ්ය වන ලේඛනයක් දැනට කෙටුම්පත් කරමින් පවතින බව ඔහු පැවසීය.
මෙවැනි එක්සත් උත්සාහයක අවශ්යතාවය කිසිදා මෙතරම් හදිසි වී නොමැති බව මහාචාර්ය පීරිස් අවධාරණය කළ අතර, රටේ ප්රජාතන්ත්රවාදී සංස්කෘතිය බරපතළ අවදානමකට මුහුණ දී ඇති බවට අනතුරු ඇඟවීය.
“මහජන හඬ” (ජනතා හඬ) නමින් මෙම පෙරමුණ හඳුවන බවත්, එහි නියෝජිතයන් මේ වන විට සර්වජන බලයේ නියෝජිතයන් සමඟ පුළුල් සාකච්ඡා පවත්වා ඇත.
පාර්ලිමේන්තු මන්ත්රී දිලිත් ජයවීරගේ නායකත්වයෙන් යුත් සර්වජන බලය මෙම මුලපිරීමට තම සහයෝගය ලබා දෙන බව තහවුරු කැර තිබේ.
