ගාසා තීරයේ සංවර්ධන කටයුතු මෙහෙයවීම සඳහා ස්ථාපිත කැර ඇති ගාසා සාම මණ්ඩලයට පකිස්තානය ඇතුළත් කැරගැනීමට අමෙරිකානු ජනාධිපති ඩොනල්ඩ් ට්රම්ප් කළ යෝජනාවට ඊශ්රයාලය විරෝධය පළ කැර ඇතැයි විදෙස් මාධ්ය සඳහාන් කරයි.
මධ්යස්ථභාවය සහ සාමය ප්රවර්ධනය කිරීමේදී හිතකර නොවන රටවලට කිසිදු විධායක බලයක් ලබා දීමට ඊශ්රායලය එකඟ නොවන බව ඉන්දියාවේ ඊශ්රායල තානාපති රූවන් අසාර් ප්රකාශ කළ බව ඉන්දීය මාධ්ය අනාවරණය කරයි.
අමෙරිකානු ජනාධිපතිවරයා ගාසා සාම මණ්ඩලයට එක්වන ලෙස පකිස්තානයට ඇරයුම් කළ ද, පාකිස්තානයට ගාසා භූමියේ සිදු කිරීමට කිසිදු කාර්යභාරයක් නැතැයි ද ඉන්දියාවේ ඊශ්රයාල තානාපතිවරයා සඳහන් කළ බව ඉන්දීය මාධ්ය වැඩිදුරටත් සඳහාන් කරයි.
ගාසා තීරයේ සංවර්ධන කටයුතු සඳහා ජාත්යන්තර ඒකාබද්ධ මෙහෙයුම් සිදු කිරීමේ ක්රියාවලියට මුස්ලිම් රටවල් රැසක් මේ වන විට ඇතුළත් වී සිටින අතර, ගාසා තීරයේ සංවර්ධන කටයුතුවලට දායකත්වය ලබාදීම සඳහා සිය හමුදා භටයන් අටදහසක් යෙදවීමට පසුගියදා ඉන්දුනීසියානු රජය තීරණය කැර තිබිණි. ගාසා තීරයේ සංවර්ධන කටයුතු සඳහා පත් කිරීමට නියමිත ජාත්යන්තර ඒකාබද්ධ හමුදාවට දායකත්වය ලබාදීමට පකිස්තානය එකඟවීම සම්බන්ධයෙන් අමෙරිකාවේ රාජ්ය ලේකම් මාර්කෝ රුබියෝ ද ස්තුතිය පළ කැර තිබේ.
