අමෙරිකාවේ ආගමන හා රේගු බලාත්මක කිරීමේ බළකායේ නිලධාරීන්ගේ වෙඩි තැබීමකින් මිනසෝටා ප්රාන්තයේ මිනියාපොලිස් නගරයේදී 37 හැවිරිදි පුද්ගලයකු ජීවිතක්ෂයට පත්වී ඇති බව විදෙස් මාධ්ය සඳහාන් කරයි.
සංක්රමණිකයන් වැටලීමේ මෙහෙයුම අතරතුර සිදු වූ විරෝධතාවක් පාලනය කිරීමේදී එම ඝාතනය සිදු වී ඇති අතර. මියගිය පුද්ගලයා අමෙරිකානු ජාතිකයකු බවද හෙළි වී තිබේ.
ඇලෙක්ස් ප්රෙටී නමැති එම පුද්ගලයාට වෙඩි වැදී ඇත්තේ ආගමන නිලධාරීන්ගේ පහරදීමකින් බිම ඇද වැටුණු විරෝධතාකරුවන්ට සහාය වීමට උත්සාහ කිරීමේදී බව විදෙස් මාධ්ය වැඩිදුරටත් අනාවරණය කරයි. විරෝධතා මර්දනය කිරීමේදී පිස්තෝලයක් අතැතිව සිටි පුද්ගලයකු නිරායුධ කිරීමට වෙඩි තැබූ බව එරට අභ්යන්තර ආරක්ෂක දෙපාර්තමේන්තුව නිවේදනය කළද, මියගිය පුද්ගලයා සතුව තිබී ඇත්තේ පිස්තෝලයක් නොව ජංගම දුරකතනයක් බව විදෙස් මාධ්ය සඳහන් කරයි.
අමෙරිකාවේ ආගමන හා රේගු බලාත්මක කිරීමේ බළකායේ නිලධාරීන් අතින් මේ මාසයේදී සිදු වූ දෙවැනි ඝාතනය මෙය වන අතර, ඔහුගේ ඝාතනය මිනියාපොලිස් නගරයේ ට්රම්ප් විරෝධය උත්සන්න වීමට හේතු වී ඇත.
සංක්රමණිකයන් වැටලීමේ මෙහෙයුම සහ මර්දනය වහාම අත්හිටුවන ලෙස බල කරමින් දහස් සංඛ්යාත විරෝධතාකරුවන් නගරයේ වීදි පුරා උද්ඝෝෂණයක නිරතව සිටි. තවත් පිරිසක් ඇලෙක්ස් ප්රෙටී වෙනුවෙන් යුක්තිය ඉටු කරන ලෙස සඳහන් බැනර් ප්රදර්ශනය කරමින් උද්ඝෝෂණය කළ බව ද සඳහාන්.විරෝධතාකරුවන්ට ජලය, කෝපි ඇතුළු ආහාරපාන නොමිලයේ ලබාදීමට අවට අවන්හල්වල් ඉදිරිපත් වී සිටින බවත්, නිව්යෝර්ක්, වොෂින්ටන් සහ ලොස් ඇන්ජලීස් ඇතුළු නගර රැසකට ද විරෝධතාව පැතිරී ගොස් ඇති බවත් විදෙස් මාධ්ය සඳහන් කරයි.
