ඩෙන්මාර්කය සහ තවත් යුරෝපීය රටවල් හතකට පෙබරවාරි මාසයේ සිට 10% ක තීරුබදු අය කරන බව  අමෙරිකා එක්සත් ජනපද ජනාධිපති ඩොනල්ඩ් ට්‍රම්ප් පවසා ඇත.‍

ග්‍රීන්ලන්තය සම්බන්ධයෙන් මතුව ඇති ගැටලුව  පිළිබඳව අදහස් දක්වමින් ඩොනල්ඩ් ට්‍රම්ප් මේ බව පවසා ඇත.

ඔහු තවදුරටත් පවසා ඇත්තේ,  ග්‍රීන්ලන්තය තමාට ලබා නොදුනහොත් ජුනි මාසයේදී   සිට 25%ක  දක්වා  බදු ඉහළ  දමන බව පවසා  ඇත.

2026 පෙබරවාරි 1 වැනි දින සිට ඩෙන්මාර්කය, නෝර්වේ, ස්වීඩනය, ප්‍රංශය, ජර්මනිය, එක්සත් රාජධානිය, නෙදර්ලන්තය සහ ෆින්ලන්තයට   අමෙරිකා එක්සත් ජනපදයට යවන ඕනෑම සහ සියලුම භාණ්ඩ සඳහා 10% ක තීරුබදුවක් අය  කරන බව  දන්වා  ඇත.

2026 ජුනි 1 වැනි දා වන විට,  තීරුබදු 25% දක්වා වැඩි කරන බවත්, ග්‍රීන්ලන්තය සම්පූර්ණයෙන් සහ සම්පූර්ණයෙන් මිලදී ගැනීම සඳහා ගනුදෙනුවක් ඇති වන තෙක් මෙම තීරුබදු නියමිත ලෙස ගෙවිය යුතු බව ට්‍රම්ප් පවසා ඇත. එක්සත් ජනපදය වසර 150 කට වැඩි කාලයක් මෙම ගනුදෙනුව කිරීමට උත්සාහ කරමින් සිටී බවත් පවසා ඇත.

ට්‍රම්ප්ගේ මේ හිතුවක්කාර ක්‍රියාවට එරෙහිව, නොටෝවට සම්බන්ධ රටවල් හත ග්‍රීන්ලන්තයට සහාය දැක්වීම සඳහා හමුදා යෙදවීමක් සිදු කරන බව ට්‍රම්ප්  ජනාධිපතිවරයාට දන්වා තීබේ.

ග්‍රීන්ලන්තය අත්පත් කැර ගැනීමේ උත්සාහයට එරෙහිව කොංග්‍රස් රිපබ්ලිකන්වරුන් කිහිප දෙනෙකු කතා කැර ඇති අතර, ද්වි-පාර්ශ්වික දූත පිරිසක් එම ප්‍රදේශයට යෑමට කටයුතු සූදානම් කැර ඇත.

ග්‍රීන්ලන්තය සහ ඩෙන්මාර්කය එක්සත් ජනපදයේ ශක්තිමත් සහචරයන් බව කොංග්‍රස් සභිකයන් සහ සෙනෙට් සභිකයන් පවසා ඇත.

ට්‍රම්ප් ‘මහා එක්සත් ජනපදයක්’ නිර්මාණය කිරීමට උත්සාහ කරන අතර, ව්‍යාප්තිවාදී මූලධර්මයන් ඉදිරියට ගෙන යෑමට ද  කටයුතු කරන බව විශ්ලේෂකයන් පවසා ඇත.