පොලිස් මත්ද්‍රව්‍ය නාශක කාර්යාංශයට (PNB) අනුයුක්ත සිටින සියලුම නිලධාරීන්ගේ වත්කම් සහ වගකීම් පිළිබඳව පොලිසිය පරීක්ෂණ ආරම්භ කැර ඇති බව  අනාවරණය වෙයි.

පොලිස්පති ප්‍රියන්ත වීරසූරියගේ උපදෙස් මත පොලිස් විශේෂ විමර්ශන ඒකකය මෙම පරීක්ෂණය ආරම්භ කැර ඇත

 ප්‍රධාන නිරීක්ෂණ පද්ධතියකට අවසරයකින් තොරව ප්‍රවේශ වී ඇති බවත්, මත්ද්‍රව්‍ය ජාවාරම්කරුවන්ට සංවේදී තොරතුරු කාන්දු වී ඇති බවත්  විමර්ශනවලදී අනාවරණය වීමෙන් පසුව මෙම තිරණය ගත් බව  අනාවරණය වෙයි.

මත්ද්‍රව්‍ය ප්‍රවාහනය කරන බවට සැක කෙරෙන බහුදින ධීවර යාත්‍රා සහ බෝට්ටු නිරීක්ෂණය කිරීම සඳහා PNB  භාවිතා කරන යාත්‍රා නිරීක්ෂණ පද්ධතියට අනවසරයෙන් ප්‍රවේශ වීම පිළිබඳව අපරාධ පරීක්ෂණ දෙපාර්තමේන්තුව මේ වන විට  විමර්ශනය කරමින් සිටී.

පොලිස් මාධ්‍ය ප්‍රකාශකවරයා පැවසුවේ විවිධ IP ලිපින 57ක් හරහා පද්ධතියට ප්‍රවේශ වී ඇති බවත්, මෙහෙයුම් දත්ත අවදානමට ලක්ව ඇති බවට කනස්සල්ල මතු කරන බවත්ය.

මහා පරිමාණ මත්ද්‍රව්‍ය ජාවාරම් මෙහෙයුම්වලට සම්බන්ධ යැයි සැලකෙන ධීවර යාත්‍රා හඳුනා ගැනීම සහ ලුහුබැඳීමේදී යාත්‍රා නිරීක්ෂණ පද්ධතිය තීරණාත්මක කාර්යභාරයක් ඉටු කරයි.

මෑත වසරවලදී, පද්ධතිය හරහා ලබාගත් තොරතුරු, ශ්‍රී ලංකා නාවික හමුදාවේ සහාය ඇතිව, මුහුදේදී ප්‍රධාන මත්ද්‍රව්‍ය නැව්ගත කිරීම් කිහිපයක් අත්අඩංගුවට ගැනීමට පොලිස් මත්ද්‍රව්‍ය නාශක කාර්යාංශයට උපකාරී වී තිබේ.

පොලිසියට අනුව, බුද්ධි අංශ වාර්තාවලින් පෙනී ගියේ බලයලත් විමර්ශකයින් පමණක් නොව, මත්ද්‍රව්‍ය ජාලවලට සම්බන්ධ පුද්ගලයින් ද පද්ධතියට ප්‍රවේශ වී ඇති බවයි.

එම සොයාගැනීම් පොලිස් ප්‍රධානියාගේ සෘජු නියෝග මත විමර්ශන සඳහා හේතු විය.

මූලික පරීක්ෂණවලින් හෙළි වූයේ සංවේදී තොරතුරු ලබා ගැනීම සඳහා බහු පුද්ගලයන් දුසිම් ගණනක් IP ලිපින භාවිතා කරමින් පද්ධතියට ලොග් වී ඇති බවයි.

තවදුරටත් අනවසර භාවිතය වැළැක්වීම සඳහා බලධාරීන් එතැන් සිට යාත්‍රා අධීක්ෂණ පද්ධතියට ප්‍රවේශ වීමේ සියලු අක්තපත්‍ර වෙනස් කැර ඇත.