උතුරු පාකිස්තානය සහ නැඟෙනහිර ඇෆ්ගනිස්තානය ඔස්සේ ගලා බසින කුනාර් ගංගාව කේන්ද්ර කරමින් නව වේල්ලක් ඉදි කිරීමට තලේබාන් රජය සැලසුම් කැර ඇතැයි විදෙස් මාධ්ය සඳහාන් කරයි. පාකිස්තානයට වාර්ෂිකව ඝන මීටර් බිලියන 21ක ජල ධාරිතාවක් සපයනු ලබන එම ගංගාව අවහිර කරමින් ඉදි කිරීමට යෝජිත නව වේල්ල දෙරට අතර දේශසීමා ගැටුම් තවදුරටත් උත්සන්න කරනු ඇතැයි පාකිස්තානයේ ආරක්ෂක ඇමැති කවාජා ආසීෆ් ප්රකාශ කළ බව විදෙස් මාධ්ය වැඩිදුරටත් වෙන්වා දෙයි. තලේබාන් රජයේ නව සැලසුම ඒකපාර්ශ්වික තීරණයක් බවටත්, එය පාකිස්තානයේ ජල අයිතිවාසිකම් උල්ලංඝනය කරන සැලසුමක් බවටත් පාකිස්තාන ආරක්ෂක ඇමැතිවරයා අනතුරු අඟවා ඇතැයි ද විදෙස් මාධ්ය සඳහන් කරයි. කිලෝමීටර් 480ක දිගින් යුතු කුනාර් ගංගාව හරහා වේල්ලක් ඉදි කිරීමට තලේබාන් රජය තීරණය කර ඇත්තේ පාකිස්තානය සමඟ පසුගිය ඔක්තෝබර් මාසයේදී දේශසීමා සටන් ආරම්භ වීමෙන් පසුව බවද වාර්තා වේ
