නිරිතදිග පාකිස්තානයේ බලුකිස්තාන ප්රාන්තයේ නගර රැසකට අන්තර්ජාල සබඳතා අත්හිටුවීමට ප්රාන්ත බලධාරීන් පියවර ගෙන ඇතැයි විදෙස් මාධ්ය සඳහාන් කරයි.
ආරක්ෂාව තත්ත්වයන් සැලකිල්ලට ගෙන බලුකිස්තානයේ ක්වේටා අගනුවර ඇතුළු නගර රැසකට මේ තහනම බලාත්මක කැර ඇත. මේ තත්ත්වය හේතුවෙන් නගරවාසීන්ට සිය රාජකාරි කටයුතු සඳහා මෙන්ම සිසු සිසුවියන්ට අධ්යාපනික කටයුතු සඳහා ද දැඩි බලපෑම් එල්ල වී ඇතැයි විදෙස් මාධ්ය වැඩිදුරටත් සඳහාන් කරයි.
බලුකිස්තාන සන්නද්ධ කණ්ඩායම් සහ රජයේ හමුදාව අතර මෑතකාල මුළුල්ලේ උත්සන්න වූ ගැටුම් සහ පසුගිය සතියේ දිනක් ඇතුළත ආරක්ෂක අංශ ඉලක්ක කැරගත් බෝම්බ පිපිරිමේ සිදුවීම් 7ක් සමඟ එම ප්රාන්තයේ අන්තර්ජාල සබඳතා අත්හිටුවීමට හේතු වී ඇතැයි විදෙස් මාධ්ය සඳහන් කරයි.
එම ප්රහාරවලදී හමුදා පිරිස් මිය ගිය අතර පොලිස්- හමුදා ජංගම මුර සංචාරක රථ රැසක් විනාශ වූ බව ද සඳහාන් වේ. ගැටුම් උත්සන්න වීම හේතුවෙන් මීට පෙර අවස්ථා ගණනාවකදීම බලුකිස්තානයේ නගර රැසක අන්තර්ජාල සබඳතා කපා හැරීමට ප්රාන්ත බලධාරීන් පියවර ගත් බව ද සඳහාන් වෙයි.
