අමෙරිකාව ප්රමුඛ බටහිරෙන් කුමන බාධක ආවත් ඉන්දියාවට අඛණ්ඩව තෙල් සැපයීමට සූදානම් බව රුසියානු ජනාධිපති ව්ලැදිමීර් පුටින් නවදිල්ලි නුවරදී ප්රකාශ කළ බව එරට මාධ්ය සඳහාන් කරයි.
රුසියාවෙන් තෙල් මිලදී ගැනීම හේතුවෙන් අමෙරිකානු ජනාධිපති ඩොනල්ඩ් ට්රම්ප් අතිරේක තීරුබද්ධක් පැණවීමෙන් මාස කිපයකට පසු රුසියානු ජනාධිපති ව්ලැදිමීර් පුටින් නවදිල්ලි නුවරදී මෙම ප්රකාශය කිරීම ජත්යන්තර දේශපාලනය තුළ සාකච්ඡාවට ලක්ව තිබේ.
ලොව වේගයෙන්ම වර්ධනය වන ඉන්දීය ආර්ථිකය සඳහා ස්ථාවර සැපයුම්කරුවකු ලෙස තවදුරටත් කටයුතු කරන බවත්, යුක්රේන යුද්ධයෙන් පසු පළමුවරට රුසියානු ජනාධිපතිවරයා ඉන්දීයාවට පැමිණීම ජත්යන්තර මාධ්ය තුළ වැඩිදුරටත් සාකච්ඡාවට බදු වෙයි.
ඉන්දීය අගමැති නරේන්ද්ර මෝදි සම්ප්රදායික පිළිවෙත් පසෙකලා නවදිල්ලි නුවර ගුවන්තොටුපොළට ගොස් රුසියානු ජනාධිපතිවරයා රතු පලස් මතින් පිළිගත් බවත්, පසුව එකම මෝටර් රථයකින් ඔහු අගමැති නිල නිවෙසට කැටුව ගොස් පෞද්ගලික රාත්රී භෝජන සංග්රහයක් ද පිරිනැමූ වූ බව ඉන්දීය මාධ්ය සඳහන් කරයි.
රාජ්ය නායකයන් දෙදෙනා අතර පැවති ද්විපාර්ශ්වික සාකච්ඡාවේදී ඉන්දියාවේ සංවර්ධන ක්ෂේත්රය සම්බන්ධව වැඩි අවධානයක් යොමු වී ඇති අතර, වසර 2030 දක්වා රුසියානු ආර්ථික සහයෝගිතාව අඛණ්ඩව පවත්වාගෙන යෑමට එකඟතාව පළ කළ බව වාර්තා වේ. දෙරට අතර සමුද්රීය සහයෝගීතාව, වරාය සහ රේගුව සම්බන්ධ ගිවිසුම් අත්සන් කිරීම සහ ද්විපාර්ශ්වික වෙළෙඳම ඉහළ දැමීම කෙරෙහි පුටින්ගේ සහ මෝදිගේ වැඩි අවධානය යොමු වූ බව ද සඳහාන් වේ.
