දිට්වා සුළි කුණාටුවෙන් පසු ශ්රී ලංකාවේ ළමයින් 275,000කට වැඩි පිරිසක් පීඩාවට පත්ව සිටින බව යුනිසෙෆ් සංවිධානය ප්රකාශ කරයි.
දිට්වා සුළි කුණාටුව ශ්රී ලංකාව පුරා දරුවන් මානුෂීය අර්බුදයකට මුහුණ දී සිටින අතර පසුගිය නොවැම්බර් 28 වන දින අලුයම නැඟෙනහිර වෙරළ තීරයෙන් ගොඩබිමට පැමිණීමෙන් පසු, කුණාටුව ගංවතුර සහ විනාශකාරී නායයෑම් ඇති කළ බව ද මූලික ඇස්තමේන්තුවලට අනුව බලපෑමට ලක් වූ මිලියන 1.4ක ජනතාව අතර ළමයින් 275,000කට වැඩි පිරිසක් සිටින නමුත්, සන්නිවේදන සහ ප්රවේශ මාර්ගවල අවහිරතා හේතුවෙන් මේ තත්ත්වය තවදුරටත් ඉහළ යාහැකි බව ද කියා සිටී.
සුළි කුණාටුව නිසා දරුවන්ට සිදු වූ විනාශය, ඔවුන්ගේ ආරක්ෂාව සහ යහපැවැත්ම සඳහා ඔවුන් යැපෙන අත්යවශ්ය සේවාවන් පිළිබඳ යුනිසෙෆ් දැඩි කනස්සල්ලෙන් සිටින අතර පාඩු සහ අවතැන්වීම්වලට ලක් වූ පවුල් සමඟ සහයෝගයෙන් සිටින බව ද ශෝකයට පත් ආදරණීයන්ට පළකරන බව ද ශ්රී ලංකාවේ යුනිසෙෆ් නියෝජිත එමා බ්රිගම් මහත්මිය පැවසුවාය.
Òදරුවන්ට ඉක්මනින් උදව් අවශ්යයි. ජීවිතාරක්ෂක සේවා දැඩි ලෙස අවශ්ය වන අතර වඩාත් අවදානමට ලක්විය හැකි පවුල් වෙත ළඟාවීමට කාලය ගත වෙනවාÓ යැයි ඇය සඳහන් කළාය.
අත්යවශ්ය සේවාවන් කඩාවැටීමත් සමඟ නිවාස සහ අත්යවශ්ය යටිතල පහසුකම්වලට සිදු වූ දරුණු හානිය, පුළුල් ලෙස අවතැන් වීමට හේතු වී ඇති අතර රෝග පැතිරීමේ අවදානම, මන්දපෝෂණය, අනාරක්ෂිත ජීවන තත්ත්වයන් සහ ළමයින් අතර දැඩි චිත්තවේගීය පීඩාවන් වැඩි කරන බව ද යුනිසෙෆ් සංවිධානය පෙන්වා දෙයි.
තත්ත්වය තක්සේරු කිරීම සඳහා යුනිසෙෆ් ශ්රී ලංකාව රජය, ජාතික බලධාරීන් සහ හවුල්කරුවන් සමඟ සමීපව සම්බන්ධීකරණය කරමින් සිටින අතර ජීවිතාරක්ෂක සහාය ලබාදීමට ද පියවර ගෙන ඇත. දැඩිලෙස පීඩාවට පත් දිස්ත්රික්කවල දරුවන්ගේ සහ පවුල්වල හදිසි අවශ්යතා සපුරාලීම සඳහා, යුනිසෙෆ් සිය උත්සාහයන් තවදුරටත් පුළුල් කරමින් පිරිසිදු පානීය ජලය, අත්යවශ්ය පෝෂණ සැපයුම්, මනෝ සමාජයීය සහාය සහ හදිසි අධ්යාපන කට්ටල අවතැන් වූ දරුවන්ට සහ මවුවරුන්ට ලබාදීම සඳහා අමතර අරමුදල් ඉල්ලා තිබේ.
මහින්ද අලුත්ගෙදර, දිනමිණට ලියන ලද ප්රවෘතියක් ඇසුරෙන්
