ශ්‍රී ලංකාවේ හඳුනාගත් පුරාවිද්‍යාත්මක ස්ථානවලින් සියයට 48ක් තවමත් ගැසට් කර නොමැති බව රාජ්‍ය ගිණුම් පිළිබඳ කාරක සභාවේදී  (COPA) පසුගිය දා අනාවරණය වී ඇත.

මේ බව අනාවරණය වුයේ, මන්ත්‍රී කබීර් හෂිම්ගේ සභාපතිත්වයෙන් පසුගිය දා (6 ) පාර්ලිමේන්තුවේදී රැස්වූ COPA, 2021-2023 සඳහා විගණකාධිපතිවරයාගේ වාර්තා සහ දෙපාර්තමේන්තුවේ වත්මන් කාර්ය සාධනය පිළිබඳ සමාලෝචන රැස්වීමේදීය.

 සියලුම පුරාවිද්‍යාත්මක ස්ථාන පිළිබඳ සවිස්තර වාර්තාවක් මාසයක් ඇතුළත ඉදිරිපත් කරන ලෙස පුරාවිද්‍යා දෙපාර්තමේන්තුවට මෙහිදී උපදෙස් දී  තිබේ.

සියලුම කැණීම් ස්ථාන සහ සොයා ගැනීම් ආවරණය වන පරිදි මධ්‍යගත දත්ත සමුදායක අවශ්‍යතාවය කමිටුව නැවත අවධාරණය කළ අතර, පද්ධතියට සහාය වීම සඳහා තොරතුරු තාක්ෂණ නිලධාරීන් හදිසි බඳවා ගැනීමක් කරන ලෙස ද ඉල්ලා සිටියේය.

සංචාරක ප්‍රවර්ධනයට ඉතා වැදගත් වන දෙපාර්තමේන්තුවේ නිල වෙබ් අඩවිය යාවත්කාලීන කිරීමට අපොහොසත් වීම පිළිබඳව ද COPA අවධානය යොමු කළ අතර, යුනෙස්කෝ ලෝක උරුම නාමයෝජනා සඳහා යෝජිත ස්ථාන පිළිබඳ වාර්තාවක් ද ඉල්ලා සිටියේය.