වෙනිසියුලාවට එරෙහිව සිය හමුදාවේ මෙහෙයුම් ක්රියාත්මක කිරීමේ එක් අරමුණක් වූයේ රුසියාව – චීනය ඇතුළු අමෙරිකානු විරෝධී රටවල් සමඟ පවත්නා සබධතාවය නිසා යැයි අමෙරිකාවේ රාජ්ය ලේකම් මාර්කෝ රුබියෝ ප්රකාශ කර ඇතැයි ඔස්ට්රේලියාවේ ABC පුවත් සේවය සඳහාන් කැර ඇත.
තෙල් කර්මාන්තය පදනම් කැර ගනිමින් සිදු කරන ආයෝජන මැඬ පැවැත්වීම, සිය හමුදා මෙහෙයුමේ එක් අරමුණක් වූ බවත්, අමෙරිකානු විරෝධීන්ට සහ ප්රතිවාදීන්ට වෙනිසියුලාව ඇතුළු ලතින් අමෙරිකානු රටවල්වල මෙහෙයුම් කඳවුරු පවත්වාගෙන යෑමට අමෙරිකාව ඉඩ නොතබන බවද රාජ්ය ලේකම්වරයා සඳහන් කැර ඇතැයි ABC පුවත් සේවය වැඩිදුරටත් සඳහාන් කරයි.
වෙනිසියුලාවේ , තෙල්වලින් වාර්ෂිකව 80% කට වඩා වැඩි ප්රමාණයක් චීනය මිලදී ගන්නා බව සඳහාන්ය. ඒ අනුව චීනය, වෙනිසියුලාවේ ප්රධාන තෙල් ගැනුම්කරුවා බව අනාවරණය වී ඇත.
ඉදිරි මාස 18ක කාලසීමාවකට වෙනිසියුලාවේ තෙල් වෙළෙඳාම අමෙරිකාව පාලනය කරනු ලබන බවට පසුගියදා ජනාධිපති ඩොනල්ඩ් ට්රම්ප් ප්රකාශ කැර ඇති අතර, චීනයට ද අඛණ්ඩව තෙල් අලෙවිය සිදු කරන බව ප්රකාශ කැර තිබේ.
