දිල්ලි නුවර සිට අග්රා නගර අතර දිවෙන යමුනා අධිවේගී මාර්ගයේ ඊයේ(17) සිදු වූ මාරක රිය අනතුරකින් පුද්ගලයන් 15 මිය ගොස් 75කට වැඩි පිරිසක් තුවාල බලා ඇතැයි ඉන්දිය මාධ්ය සඳහාන් කරයි.
අධිවේගී මාර්ගයේ පැවති අධික මීදුම් තත්ත්වය හේතුවෙන් බස් රථ 8ක් සහ මෝටර් රථ 3ක් එකිනෙක ගැටීමෙන් මෙම මාරක අනතුර සිදුවී ඇත.
අනතුරත් සමඟ වාහන කිහිපයක් ගිනි ගැනීමෙන් එහි සිටි මඟීන්ට දිවි බේරා ගැනීමට දැඩි පරිශ්රමයක් දැරිමට සිදු වූ බවත්, ගිනිගැනීමට ලක් වූ වාහනවලින් සෙසු වාහනවලට ද ගින්න පැතිරී යෑම නිසා ගින්නට මැදි වූ බොහෝ දෙනකු පිලිස්සුම්වලින් මිය ගිය බව සඳහාන් වෙයි.
අනතුරින් පසු එම ස්ථානයට පැමිණි ගිනි නිවන ඒකකයේ සහ පොලිස් කණ්ඩායම් ගිලන් රථ මඟින් තුවාලකරුවන් රෝහල් වෙත යැවීමට කඩිනම් පියවර ගත් බවත්, ගින්න මැඬපැවැත්වීමට සමත් වූ බවත් ඉන්දීය මාධ්ය වැඩිදුරටත් සඳහාන් කරයි. තුවාල ලැබූ කිහිපදෙනකුගේ තත්ත්වය බරපතළ බව රෝහල් ආරංචිමාර්ග සඳහන් කර තිබේ.
වායු දූෂණය හේතුවෙන් මේ වනවිට දිල්ලි නගරය ඇතුළු පළාත් රැසක ඝන මීදුම් තත්ත්වයක් පවතින බවත්, එවැනි තත්ත්වයක් තුළ රථවාහන අධික වේගයෙන් ධාවනය කිරීම අනතුරට හේතු වී ඇති බවත් මූලික විමර්ශනයේදී අනාවරණය වී තිබේ. එරට නගර රැසක වාතයේ ගුණාත්මකභාවය පහළ මට්ටමකට වැටී ඇති අතර, අග්රා සහ දිල්ලි ප්රදේශයේ දැඩි වායු දූෂණයක් පවතින බව ඉන්දියාවේ වායු දූෂණ පාලන මණ්ඩලය සඳහන් කැර තිබේ.
