මාවිල්ආරු වැව් බැම්ම බිඳී යෑමෙන් හේතුවෙන් සිර වූ ජනතාව බේරා ගැනීමේ මෙහෙයුම්  මේ වන විට සිදු වන  අතර, එහි ප්‍රතිඵලයක් ලෙස ගුවන් මෙහෙයුම් මගින් මේ වන විට පුද්ගලයන් 121කට වැඩි ප්‍රමාණයකගේ ජීවිත බේරා ගෙන තිබේ.

මාවිල්ආරු මුදාගැනීම් මෙහයුම් සඳහා ශ්‍රී ලංකා  ගුවන් හමුදාවට අයත් Bell – 412 හෙලිකොප්ටර් යානයක් සහ MI -17 හෙලිකොප්ටර් යානයක් එම මෙහෙයුම් ක්‍රියාත්මක කැර ඇති අතර මුදා ගැනුණු ජනතාව ආරක්‍ෂිත ස්ථාන කරා  මේ වන විට යොමුකර ඇත.

ගුවන් හමුදාවේ හෙලිකොප්ටර් යානා 4ක් මාවිල්ආරු තත්ත්වය නිරීක්ෂණයට සහ මුදාගැනීම් සඳහා මේ වන විට යොදවා තිබෙන බව සඳහන්ය.