මහ­නු­වර ඔර­ලෝසු කණුව ආස­න්නයේ සිටි යාචක කාන්තා­වක් අරු­ප්පොළ ප්‍රදේ­ශ­යෙන් මහ­වැලි ගං ඉවු­රට රැගෙන ගොස් ගෙල කපා ඝාත­නය කැර පොලී­සි­යට භාර වූ 30 හැවි­රිදි තරු­ණයා අංකු­ඹුර, ගල්කන්ද නිවෙ­ස­කදී කාන්තා­වක් ඝාත­නය කැර පුලුස්සා දැමීමේ සිද්ධි­යට ද සම්බන්ධ බවට පොලී­සිය සැක කරයි.

නාය යෑමේ අව­දා­නම් තත්ත්ව­යක් හේතු­වෙන් නිවැ­සි­යන් ඉවත්වූ  ගල්කන්ද ප්‍රදේ­ශයේ නිවෙ­සක තිබී සොයා ගත් දැඩි ලෙස පිලි­ස්සුණු මළ සිරුර සම්බ­න්ධ­යෙන් පරී­ක්ෂණ පැවැත්වූ පොලී­සිය ඒ සම්බ­න්ධ­යෙන් සැක­පිට අත්අ­ඩං­ගු­වට ගත් 73 හැවි­රිදි හිටපු බන්ධ­නා­ගාර නියා­ම­ක­ව­රයා සහ මේ සැක­කරු සමීප ඇසු­රක් පව­ත්ව­මින් එකම නිවෙසේ වාසය කැර තිබෙන බව පොලී­සිය පව­සයි.

අංකු­ඹුර, ගල්කන්ද නිවෙ­සේදී ඝාත­න­යට ලක්ව ඇත්තේ ද යාචක කාන්තා­වක් බවට පොලී­සිය සැක කරයි. එම ඝාත­නය සම්බ­න්ධ­යෙන් 73 හැවි­රිදි හිටපු බන්ධ­නා­ගාර නියා­ම­ක­ව­රයා අත්අ­ඩං­ගු­වට ගෙන දින දෙක­කට පසු අදාළ තරු­ණයා අරු­ප්පොළ ප්‍රදේ­ශයේ මහ­වැලි ගං ඉවු­රේදී යාචක කාන්තාව ඝාත­නය කැර තිබිණි. සිද්ධි­යෙන් පසු මහ­නු­වර පොලී­සි­යට පැමිණ පාපෝ­ච්චා­ර­ණ­යක් කර­මින් ඔහු කියා තිබුණේ, ණයට ඉල්ලා ගත් රුපි­යල් ලක්ෂ­යක මුද­ලින් හිඟ මුදල ඉල්ලා නිතර කර­දර කිරීම නිසා ඇයව ඝාත­නය කළ බවයි.

යාචක කාන්තා­වගේ ඝාත­නය සම්බ­න්ධ­යෙන් පරී­ක්ෂණ පැවැත්වූ මහ­නු­වර පොලී­සියේ අප­රාධ අංශය සැක­ක­රුගේ ප්‍රකා­ශ­ව­ලින් ඔහු අංකු­ඹුර, ගල්කන්ද ප්‍රදේ­ශයේ සිදු වූ ඝාත­න­යට ද සම්බන්ධ බවට තොර­තුරු අනා­ව­ර­ණය කර­ගෙන තිබේ.

කලක් ලොත­රැයි අලෙවි කළ මේ සැක­කරු අංකු­ඹුර, ගල්කන්ද ප්‍රදේ­ශ­යේදී කාන්තා­වක් ඝාත­නය කළ බවට සැක කෙරෙන 73 හැවි­රිදි පුද්ග­ල­යාට තාත්තා යනු­වෙන් ආම­න්ත්‍ර­ණය කරන බව ද පොලී­සිය පව­සයි.

යාචක කාන්තාව ඝාත­නයේ සැක­කරු ඔහුගේ මව සහ අංකු­ඹුර ඝාත­නයේ සැක­කරු ගොහා­ගොඩ, තේක්ක­වත්ත ප්‍රදේ­ශයේ නිවෙ­සක එකට වාසය කැර තිබෙන බව ද පොලිස් පරී­ක්ෂ­ණ­ව­ලින් හෙළිව තිබේ.

අංකු­ඹුර, ගල්කන්ද නිවෙසේ ඝාත­නය සම්බ­න්ධ­යෙන් සැක­පිට අත්අ­ඩං­ගු­වට ගත් හිටපු බන්ධ­නා­ගාර නියා­ම­ක­ව­රයා සොර­කම් 15ක් සම්බ­න්ධ­යෙන් වර­ද­කරු වී වසර 17ක සිර­ද­ඬු­වම් විඳ 2019දී නිද­හස්ව පැමිණ ඇත.

යාචක කාන්තා­වක් රැගෙන තමන් ද පියා සමඟ අංකු­ඹු­රට ගිය බව 30 හැවි­රිදි සැක­කරු පොලී­සි­යට පවසා තිබේ. ඔහු තර­මක මන්ද මාන­සික තත්ත්ව­ය­කින් පෙළෙන බැවින් අදාළ ප්‍රකාශ සම්බ­න්ධ­යෙන් තව­දු­ර­ටත් විම­ර්ශන සිදු කරන බව පොලී­සිය පව­සයි.

අරු­ප්පොළ ගං ඉවු­රේදී ඝාත­න­යට ලක්වූ යාචක කාන්තා­වක පිළි­බ­ඳව මෙතෙක් කිසිදු තොර­තු­රක් අනා­ව­ර­ණ­යවී නොමැති අතර, මහ­නු­වර ඔර­ලෝසු කණුව අසල ඇය සමඟ යාචක වෘත්තියේ නිරත වූ පිරි­ස­ක­ගෙන් පොලී­සිය ප්‍රකාශ ද සට­හන් කර­ගෙන තිබේ.

මහ­නු­වර ජ්‍යෙෂ්ඨ පොලිස් අධි­කාරි අනු­රුද්ධ බණ්ඩාර හක්මන, පොලිස් අධි­කාරි (01) දයාල් ඉලං­ග­කෝන් මහ­ත්ව­රුන්ගේ උප­දෙස් මත, කොට්ඨාස අප­රාධ විම­ර්ශන අංශයේ ස්ථානා­ධි­පති, ප්‍රධාන පොලිස් පරී­ක්ෂක රංජිත් ජය­සේන, පොලිස් පරී­ක්ෂක ආර්. පී. වීර­රත්න, මහ­නු­වර මූල­ස්ථාන පොලී­සියේ අප­රාධ විම­ර්ශන අංශයේ ස්ථානා­ධි­පති, ප්‍රධාන පොලිස් පරී­ක්ෂක සම්පත් රාජ­පක්ෂ මහ­ත්වරු සිද්ධිය පිළි­බඳ පරී­ක්ෂණ පව­ත්වති.

(දිනමිණ ඇසුරෙන් -අසේල කුරු­ළු­වංශ සහ මහ­නු­වර සමූහ)