මඩ­ක­ල­පුව කලු­වාං­චි­කුඩි පොලිස් බල ­ප්‍ර­දේ­ශ­යට අයත් කුරු­ක්ක­ල්ම­ඩම් ප්‍රදේ­ශයේ සැක සහිත මිනිස් සමූහ සොහොන් කුහ­ර­යක් ලෙස හඳු­නා­ගත් ස්ථානයේ කැණීම් කට­යුතු ඊයේ (30) ආරම්භ කෙරිණි.

මේ සිද්ධි­යට අදාළ නඩුව 2012 වසරේ ආරම්භ වී 2014 දී නවතා දමා තිබූ අතර, 2017 දී යහ­පා­ලන ආණ්ඩු සමයේ නැවත විම­ර්ශන ආරම්භ කෙරිණි. අන­තු­රුව 2025 වසරේ එම ස්ථානය කැණී­මට අධි­ක­රණ අව­ස­රය ඉල්ලා පෙත්ස­මක් ඉදි­රි­පත් කැර තිබූ අතර, 2026 මාර්තු 9 වැනි දින නඩු විභා­ග­යේ දී ඊයේ (30) කැණීම් සිදු කිරී­මට නියෝග ලබා දී තිබුණි.

ඒ අනුව, කලු­වාං­චි­කුඩි මහේ­ස්ත්‍රාත් අධි­ක­රණ විනි­සුරු ප්‍රදී­පන් මහතා ඉදි­රියේ මේ කැණීම් කට­යුතු ආරම්භ විය.

1990 වසරේ හජ් වන්ද­නා­වෙන් පැමිණි 167 දෙනෙකු කුරු­ක්ක­ල්ම­ඩම් ප්‍රදේ­ශ­යේදී එල්.ටී.ටී.ඊ. සංවි­ධා­නය පැහැ­ර­ගෙන ගොස් අතු­රු­දන් කර ඝාත­නය කර ඇති බවට සැකය මත මේ කැණීම් සිදු කෙරේ.

මේ අව­ස්ථා­වට මහේ­ස්ත්‍රාත් ප්‍රදී­පන් මහතා, නීති­ඥ­යන්, උසස් පොලිස් නිල­ධා­රීන්, කලු­වාං­චි­කුඩි පොලී­සිය, මඩ­ක­ල­පුව අප­රාධ පරී­ක්ෂණ අංශය, පුරා­විද්‍යා දෙපා­ර්ත­මේ­න්තුව, අතු­රු­දන් වූ පුද්ග­ල­යන් පිළි­බඳ කාර්යා­ලය, ආර­ක්ෂක අංශ, ප්‍රාදේ­ශීය ලේකම් කාර්යාල නිල­ධා­රීන්, ප්‍රාදේ­ශීය සභා නියෝ­ජි­ත­යන් සහ අතු­රු­දන් වූවන්ගේ ඥාතීන් ඇතුළු බොහෝ පිරි­සක් සහ­භාගි වූහ.

පළමු අදි­යරේ කැණීම් කට­යුතු සඳහා රේඩාර් තාක්ෂ­ණය මඟින් හඳු­නා­ගත් ස්ථානය මීටර් 5×5 ප්‍රමා­ණ­යෙන් හා මීටර් 9ක් ගැඹු­රින් කැණී­මට සැල­සුම් කැර ඇති අතර, දින 5 සිට 7 දක්වා පරී­ක්ෂණ කට­යුතු සිදු කිරී­මට නිය­මි­තය.

(දිනමිණ- සම­න්තුරේ සමූහ – ජලීල් ජී., මඩ­ක­ළ­පුව සමූහ – ටී.එල්. ජව්ෆ­ර්කාන්)