බෙංගාල බොක්ක ආශ්රිතව මැලේසියාව සහ මලක්කා අර්ධද්වීපය අවට මුහුදු තීරයේ නිර්මාණය වූ අඩු පීඩන කලාපය මේ වන විට පීඩන අවපාතයක් ලෙස වර්ධනය වෙමින් පවතින බව ඉන්දීය කාලගුණ විද්යා දෙපාර්තමේන්තුව ප්රකාශ කළ බව එරට මාධ්ය පවසයි කරයි.
මේ තත්ත්වය මත ඉදිරි පැය කිහිපය ඇතුළත එය සුළි කුණාටුවක් දක්වා වර්ධනය වීමේ අවදානම ඉහළ ගොස් ඇතැයි ඊයේ(26) දහවල් ඉන්දීය කාලගුණ විද්යා දෙපාර්තමේන්තුව අනතුරු ඇඟවූ බව ද එරට මාධ්ය වැඩිදුරටත් කියයි.
සුළි කුණාටු තත්ත්වය පිළිබඳ එරට කාලගුණ විද්යා දෙපාර්තමේන්තුව අඛණ්ඩව නිරික්ෂණය කරමින් සිටින බවත්, ඉදිරි පැය කිහිපය ඇතුළත මේ පිළිබඳ නිවේදනයක් නිකුත් කිරීමට නියමිත බවත් වාර්තා වේ. අයහපත් කාලගුණ තත්ත්වය හේතුවෙන් ඊයේ(26) රාමේස්වරම් නගරයේ සියලු පාසල් වසා දැමීමට පියවර ගෙන තිබූ අතර, කාලගුණ විද්යා දෙපාර්තමේන්තුවේ උපදෙස් අනුව ඉදිරි පියවර ගැනීමට තමිල්නාඩු ප්රාන්ත බලධාරින් සූදානමින් පසුවන බව ද වාර්තා වේ.
ජාත්යන්තර සුළි කුණාටු වර්ගීකරණය යටතේ සෙන්යාර් සුළි කුණාටුව නමින් දැනටමත් නම් කැර ඇති මේ කුණාටු තත්ත්වය හේතුවෙන් අන්දමන් සහ නිකොබාර් දූපත්වලට ලබන 28 වැනිදා දක්වා අධික වර්ෂාවක් පතිත වන බව කියයි.
දකුණු ඉන්දියාවේ තමිල්නාඩු, කේරළ සහ අන්ද්ර ප්රාන්තවලට ද වර්ෂාවෙන් දැඩි බලපෑම් එල්ල වනු ඇතැයි අනාවැකි පළ වී ඇති අතර, දැනටමත් අවදානම ඉහළ ගොස් ඇති සෙන්යාර් සුළි කුණාටුව අද පස්වරුව වන විට දකුණු ඉන්දීය මුහුදු සීමාවට ඇතුළුවීමේ හැකියාව ඉහළ ගොස් ඇතැයි අනතුරු අඟවා තිබේ.
