රුසියානු ජනාධිපති ව්ලැදිමිර් පුටින් මෙම මස 4 වැනිදා ඉන්දියාවේ සංචාරය කරන බව එරට මාධ්ය සඳහාන් කරයි.
රුසියානු ජනාධිපතිවරයාගේ එම දෙදින සංචාරයේ දෙවැනි දිනයේදී ඉන්දීය අගමැති නරේන්ද්ර මෝදි සමඟ ද්විපාර්ශ්වික සාකච්ඡා පැවැත්වීමට නියමිත බව ද ඉන්දීය මාධ්ය වැඩිදුරටත් වාර්තා කරයි. 23 වැනි වරටත් පැවැත්වෙන ඉන්දීය – රුසියා වාර්ෂික සමුළුව සඳහා පුටින් සමඟ රුසියානු නියෝජිත කණ්ඩායමක් ද සහභාගි වන බව සඳහාන් වේ.
සමුළුවෙන් පසු රාජ්ය නායකයන් දෙදෙනා අතර පැවැත්වෙන ද්විපාර්ශ්වික සාකච්ඡාවේදී ආරක්ෂක, බලශක්ති, වෙළෙඳ සහ ආයෝජන සම්බන්ධව අවධානය යොමු වනු ඇතැයි ඉන්දීය මාධ්ය සඳහන් කරයි. යුක්රේන යුද අර්බුදය ආරම්භ වීමෙන් පසු රුසියානු ජනාධිපතිවරයා ඉන්දියාවේ සංචාරය කරන පළමු අවස්ථාව මෙය වන අතර, රුසියාවෙන් තෙල් මිලදී ගැනීම මුල්කරමින් අමෙරිකාව ඉන්දියාවට පනවනු ලැබූ අතිරේක තීරුබදු හේතුවෙන් පුටින්ගේ ඉන්දීය සංචාරය ජාත්යන්තරයේ වැඩි අවධානයට ලක් වී තිබේ.
