රුසියානු ජනාධිපති ව්ලැඩිමීර් පුටින් බ්‍රහස්පතින්දා (15) මොස්කව්හි දී තලේබාන් තානාපතිවරයාගේ අක්තපත්‍ර පිළිගෙන ඇත.

 රුසියාව ඇෆ්ගනිස්ථානයේ තලේබාන් පරිපාලනය පිළිගැනීමෙන් මාස කිහිපයකට පසු මෙම පියවර ගෙන  තිබේ.

රුසියානු රාජ්‍ය ප්‍රවෘත්ති ඒජන්සිය වන TASS  සඳහාන් කළේ, විදේශ රාජ්‍ය තාන්ත්‍රිකයින් දුසිම් ගණනක් සහභාගී වූ ක්‍රෙම්ලිනයේ පැවති නිල උත්සවයකදී පුටින් අක්තපත්‍ර ලබා ගත් බවයි. තලේබාන් සංවිධානය “ඇෆ්ගනිස්ථානයේ ඉස්ලාමීය එමීර් රාජ්‍යය” ලෙස හඳුන්වන දෙයෙහි තානාපතිවරයා ලෙස ගුල් හසන් සිය ලිපි ලේඛන ඉදිරිපත් කෙළේය.

ක්‍රෙම්ලින් මාලිගයේ ඇලෙක්සැන්ඩර් ශාලාවේ පැවති උත්සවයට යුරෝපය, ආසියාව, අප්‍රිකාව, ලතින් අමෙරිකාව සහ මැද පෙරදිග රටවලින් අලුතින් පත් කරන ලද තානාපතිවරුන් 34 දෙනෙකු අක්තපත්‍ර ප්‍රදානය කිරීම ඇතුළත් වූ බව TASS පැවසීය.

 එය 2026 දී රුසියාවේ පළමු එවැනි විධිමත් රාජ්‍ය තාන්ත්‍රික උත්සවය සනිටුහන් කළ බව මොස්කව් හි සිටින Cyber World Press  නියෝජිත පැවසීය.

අමෙරිකා එක්සත් ජනපදය ප්‍රමුඛ විදේශ හමුදා ඉවත් කැර ගැනීමෙන් පසු ඔවුන් නැවත බලයට පත්වීමෙන් වසර හතරකට ආසන්න කාලයකට පසු, 2024 අප්‍රේල් මාසයේදී ඇෆ්ගනිස්ථානයේ තලේබාන් පාලනය විධිමත් ලෙස පිළිගත් පළමු සහ මෙතෙක් එකම රට බවට රුසියාව පත්විය.

බොහෝ රටවල් කාබුල්හි ඔවුන්ගේ තානාපති කාර්යාල තාක්ෂණික මට්ටමින් ක්‍රියාත්මකව තබා ඇති නමුත්, මානව හිමිකම්, විශේෂයෙන් කාන්තාවන් සහ ගැහැණු ළමයින් සඳහා වන සීමාවන් සහ ඇතුළත් දේශපාලන ක්‍රියාවලියක් නොමැතිකම පිළිබඳ කනස්සල්ල පවසමින් තලේබාන් පරිපාලනය පිළිගැනීම නතර කැර ඇත.

කලාපීය ස්ථාවරත්වය සහතික කිරීම සහ ඇෆ්ගනිස්ථානයෙන් මතුවන ත්‍රස්තවාදය සහ මත්ද්‍රව්‍ය ජාවාරම වැනි ආරක්ෂක තර්ජනවලට එරෙහිව සටන් කිරීම සඳහා තලේබාන් සංවිධානය සමඟ සම්බන්ධ වීම අවශ්‍ය බව  ක්‍රෙම්ලිනය පවසා තිබේ.

Cyber World Press  – Moscow